Matìyò 27:4 - Ikan feg

⁴ Wì ya ywìtì ikab we ane, si ghà inɔb gha, “Mə fə gùg anug icheg ne mə fḛ wə̀d ne chəyi wì gùghi anug gha mbe zweti.” Mbɔb ya ywìtì ichug ibo gha, “Àze kayi ywìrì ìwa isaʼi! Àze ya si ìwe isaʼi!”

Meta’

⁴ Wɨ̀ nyaʼa nàʼ əne ghà ni, “Mə fə ghɨ̀ ənû rɨbɔ̀ŋ ɨchî nɨ mə̀ fen wə̀d nɨ chəi wɨ̀ gu ənû.” Mbɨ nyaʼa wììrɨ̀ ni, “Əze ə berɨ ənû ə ye nɨ ghɨ̀ mbɨ nà ə? À yɨ e ɨsaʼi!”

Matìyò 27:4 ပူးပေါင်းရင်းမြစ်များ

Matìyò 27:19

Icheg ne Payilèd ya chughi inga nəb isaʼi igun atən ze ne wì yaya chùghə igun sàʼa tisaʼi, iweg məd ya tɔm ikən ibo gha, “Imbə̀ʼ àghò ziye awe ìfe ifeg inga inug wə̀d gho̰ imbə̀ʼ icheg ne chəyi wì gùghi anug mɔ̀ʼɔ ka. Mə ya ghàmà anìŋ imbə̀ʼ icheg ne mə zən ngəʼ ako anjə̀m izimi tèchɔ̀ŋ imbə̀ʼ aməd.”

Matìyò 27:54

Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Lk 23:22

Wì ya ghàm inɔb ane ighəm ne pè ane itad, biri gha, “Mə̀ kɔ̀mbɔ aməd igun azed abaʼri ane aghə? Chəyi mə̀ bàri anug ne wì gùghi ne chwi gha mbi mənyìʼ zwèti aməd. Mə biri ywiri aməd, sàŋì wì gho yi.”

Lk 23:41

Mbe kòʼ ni kɔ̀mbi awa anìŋ imbə̀ʼ icheg ne tè gùg anug. Àsi wə̀d gho̰, chəyi Wì ghì anug tibɔ̀ŋ mɔ̀ʼɔ ka!”

Lk 23:47

Atog wə̀d abə mə̀sogyì iki ifibì ne ya bàri inug mbo̰ ya si ghùmni Ŋwiye gha, “Kwàʼ tesiʼ, wə̀d gho̰ ya kə̀ wə̀d ne təmi kòʼ!”

Jn 19:7

Itog bəd mə̀Ju ya ywìtì gha, “Tè bèrì nɔ̀ʼɔ̀ ne chwìye gha, wì mənyìʼ ku imbə̀ʼ icheg ne wè gha zìye ya Ŋwan Ŋwiye.”

Ɨ̀fàʼì 13:28

Ka chəyi mbi ya bi bàd aton mɔ̀ʼɔ ne tì mbi zweti aməd, mbi ya kiri gha abə Payilèd gha wì ghiyə mə̀sogyì zweti aməd.

Rm 3:19

Ane, tè kyèri gha inug mbe ne mə̀nɔ̀ʼɔ̀ mbe ghà ya abə bəd mbe ne yaʼi aton mə̀nɔ̀ʼɔ̀. À ya ni ghì gha imbə̀ʼ mbi bere awɔb anug ni ghà. Ane, Ŋwiye biri saʼ bəd məjìm mbe ne yaʼi inga isəg.

1 Timotì 4:2

Bəd ne chwìte tiku inug ìto̰ ya bəd ne bèmnè inug tì bəd inug ako. Ìtɔb fìŋ fə ku icheg ni gha mbi tɔ̀n ane anyaŋì.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Jɔn 3:12

Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

Ɨnû 11:10

Bəd igun isəg biri taŋ gyendi bə̀ kɔd tiboʼ abə mə̀mbin imbə̀ʼ icheg ne bədkə̀n mbo̰ ne ku yaya chə bəd ne yaʼi igun isəg.