Matìyò 26:56 - Ikan feg

⁵⁶ Inug mbo̰ ijìm fə dù ni chwi gha inug ijìm ne bədkə̀n Ŋwiye ya gha mbe duwə ane tesiʼ.” Anyumə̀ ne Yeso ya ghà ane, mə̀mə̀nənùg məd məjìm ya nòrò awɔb sàŋì aməd.

Meta’

⁵⁶ Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Matìyò 26:56 ပူးပေါင်းရင်းမြစ်များ

Matìyò 21:42

Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb. Anug azo̰ ya Anɔŋisəg ghi. À ya ayeti anug ina ni bàd!›

Matìyò 26:24

Ŋwan Wə̀d biri ku icheg ne mbi ya fə ŋwàʼri imbə̀ʼ aməd. Si ya gha, ngəʼ kyen biri nyi igun wə̀d we ne fḛ aməd. Àkə aghi ne chəyi mbi ya bi gwi tengàŋ nji ze bì bɔ̀ŋ.”

Matìyò 26:31

Anyumə̀ ne Yeso tì mə̀mə̀nənùg məd ya pè ikaŋ iwum mə̀Olìf, Yeso ya ghà inɔb gha, “Kwàʼ məyi izimi tèchɔ̀ŋ, mbə̰ məjìm biri nòrò awən sàŋì mə. A ze inga Àŋwàʼrì Ŋwiye gha, ‹Mə biri zweti Àjənjə̀g, izam njə̀g si sàkà.›

Matìyò 26:54

À ya məyi gha mə mə̀ ghì ane, nji Ìngam Ŋwiye we ne gha inug mbo̰ mənyìʼ dù anìŋ kə ywìri si dù ane tesiʼ iye?”

Jn 16:32

Nyùmə̀ we yèʼe ne mbə̀ biri sàkà. Tesiʼ ya gha, nyùmə̀ we fə yeʼe. Wə̀d imɔʼ imɔʼ biri ghò ini inga achan. Mbə̰ biri waʼ amə tèzìʼì. Si ya gha, chəyi mə̀ biri yaʼi tèzìʼì imbə̀ʼ icheg ne ìmə Mbaʼ we yi tì inum.

Ɨ̀fàʼì 1:16

Wì ya ghà inɔb gha, “Ìmbum məfi fɔrɔ ìtum njàbi, Ìngam Ŋwiye we ne Azwighi Ŋwiye ya ghi ifɔn Dèvid ŋwàʼrì kwàʼ aneg aneg imbə̀ʼ Judàs we ne ya fḛ Yeso abə bəd mbe ne ya gwìye Yeso fə dù ane tesiʼ.

Ɨ̀fàʼì 2:23

Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

2 Timotì 4:16

Ane, ighəm mbègtog ne mə̀ ya gho təm gha mbe saʼ amə, chəyi wə̀d mɔ̀ʼɔ ne ya yeʼe ni kə̀ŋì amə. Wə̀d ijìm ya waʼ amə. Imbə̀ʼ Ŋwiye niŋ yi inug mbo̰ zì isaʼi igun inɔb.