Matìyò 24:9 - Ikan feg

⁹ Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Meta’

⁹ “Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Matìyò 24:9 ပူးပေါင်းရင်းမြစ်များ

Matìyò 22:6

Mə̀mbin ya gwìtì bəd àfàʼì məd mbe ne wì ya cha, chə awɔb, zwèti.

Matìyò 23:34

Ane, mə̀ ya anìŋ chà ìmbum bədkə̀n tì ìmbum bəd iwe fɔrɔ ìmbum mə̀chwitì mə̀nɔ̀ʼɔ̀ inən. Mbə̰ biri zweti bəd mɔ̀ʼɔ abɔ̀ʼ inɔb, kɔ̀mbì mbi mɔ̀ʼɔ igun azed abaʼri, bə̀ ywìri bəd mɔ̀ʼɔ abɔ̀ʼ inɔb inga ìmbən məchamì Ŋwiye. Mbə̰ biri bə kamni ìmbum bədtɔm mɔ̀ʼɔ chà mbi sàkà ghò iben iben.

Lk 11:49

Ŋwiye ya fə we yi ni ghà imbə̀ʼ anug azo̰ gha, ‹Mə biri chà bədkə̀n tì bədtɔm inɔb. Mbi biri zweti ìmbi mɔ̀ʼɔ bə̀ chɔʼ ibɔʼì ighog abə mə̀mbin.›

Lk 21:12

Si ya gha, bɔŋ inug mbo̰ ijìm se dùwə̀, mbi biri gwìtì awən bə̀ chə awən. Mbi biri bə sìmì awən ghò inga məchamì Ŋwiye, bə̀ zì awən inga nəb ndəŋ . Mbi biri bə niŋ awən ghò abə məfɔn tì abə bəd ne sàʼa aben. Inug mbo̰ ijìm ya məyi imbə̀ʼ ìmə ikum.

Jn 15:18

Yeso ya ywìrì gha, “Bəd inga isəg mə̀ pàb awən, mbə̰ wèndi gha, mbi ya fə bì pàb amə.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Ɨ̀fàʼì 7:59

Anyumə̀ ne mbi yaya tùmbə məd, wì ya chàʼra Ŋwiye gha, “Anɔŋisəg Yeso, niŋ àmə azwighi.”

1 Pità 4:16

Ane, mbə̰ mə̀ ya zə̰ ngəʼ imbə̀ʼ icheg ne mbə̀ yaʼi bəd Kristo, imbə̀ʼ tìnìrètog ghiyə yi awən ka. Mbə̀ ya ghùmnə Ŋwiye gha mbə̰ mbe zə̰ ngəʼ imbə̀ʼ anug Kristo.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.