Matìyò 22:16 - Ikan feg

¹⁶ Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Meta’

¹⁶ Əne mbɨ nyaʼa tom mbə mə̀mə̀ə̀nɨ̀-ɨnû mbɨ ə bə̂d mbe nɨ nyaʼə tìmbɨ̀ ə Herɔ̀d əsɨ məd ni mbɨ wo ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni à wɨə chwi ɨnû rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ. Chəi àwɔ̀ ə bɔə bə̂d ɨmbə̀ʼ ɨghəm nɨ chəi àwɔ̀ ə ghɨ̀ ɨghə.

Matìyò 22:16 ပူးပေါင်းရင်းမြစ်များ

Matìyò 22:24

“Àchwitìnùg, Muse ya ghà ina gha, wə̀d mə ku ne chəyi tengàŋ beri ŋwan, ifi məd mənyìʼ nam iku-àyi məd ni gwi bɔn ane ikum məd.

Matìyò 22:26

Chəyi ifi məd gho̰ ya bə bèrì ŋwan. Ifi we ne pè ane itad ya bə̀ niŋ iku-àyi we bə ku ne chəyi wì bə bèrì ŋwan. Ze ya yaʼ ane tì mbin tì məfi məjìm.

Matìyò 26:18

Wì ya ywìtì inɔb gha, “Mbə̀ gho inga ikye aben, pè ghà abə mbaŋà mɔ̀ʼɔ ze angu gha, ‹Àchwitìnùg gha tì gha ine gha ìwi nyumə̀ fə kòʼ. Zìye biri jəg Iteri Chègun tì ìmbi mə̀mə̀nənùg ine inga achan.› ”

Matìyò 26:49

Judàs ya si ghò kwàʼ abə Yeso pè ghà ibo gha, “Àchwitìnùg, mə chàʼrì awe!” Wì ya chàʼrì aməd ane si nyɔ̀ŋì ndə̀ʼ ibo.

Mk 10:17

Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Mk 12:13

Bəd mbe ne yaya tangi inug inga aben mə̀Ju ya tɔm mə̀Farìsi mɔ̀ʼɔ fɔrɔ bəd mɔ̀ʼɔ abɔ̀ʼ mə̀sə̀ʼ ìmbi Erɔ̀d gha mbe gho abə Yeso. Mbi ya ghò ni zweri ìngam məd ni gha wì mə̀ ghà anug mɔ̀ʼɔ mbi si chè igun zì isaʼi igun məd.

Mk 12:14

Mbi ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Mə̀nɔ̀ʼɔ̀ wa chwi gha tì nàʼ mə̀tag abə Kayisà kə̀ chəyi?

Mk 3:6

Mə̀Farìsi mbe ne ya yaʼi angu ya dù ati ati ghò nyìmi ifeti tì mə̀sə̀ʼ ìmbi Erɔ̀d. Mbi ya nyimi ifeti we ni chuʼri icheg ne mbi biri zwete Yeso.

Mk 8:15

Ane, Yeso ya pàti awɔb gha, “Mbə̀ niŋ nyùmə̀, bə̀ we awən imbə̀ʼ àfòrì mə̀Farìsi tì àzi Erɔ̀d.”

Lk 20:21

Bəd mbe ne mbi ya cha awɔb ya pè biri abə Yeso gha, “Àchwitìnùg, tè kyèri gha àghò ya ghàmà bə̀ chwìte anug ne koʼi. Tè bə̀ kyèri gha chəyi àghò ya ghì icha, àghò ya chwìte tesiʼ imbə̀ʼ ikuchèg ne Ŋwiye kə̀bi gha bəd chughi angu.

Lk 7:40

Yeso ya ywìtì ibo gha, “Sayimùn, mə bèrì anug mɔ̀ʼɔ ne mə̀tì ine.” Sayimùn ya ywìtì gha, “E! Masà, mo gho̰, mə̀tə.”

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

Jn 7:18

Wə̀d we ne chwìte ìmbi tì inug we ghìyə̀ ane imbə̀ʼ bəd ghùmne məd. Àsi wə̀d we ne fàʼà yaʼ ni ghì gha bəd ghumni wə̀d we ne cha aməd, tengàŋ ya wə̀d ne ghà tesiʼ. Chəyi məd we ghà inug ako.”

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

2 Kɔrèn 5:16

Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Gàlesìyà 2:6

Chəyi bəd mbo̰ ne bəd mbe nìŋə ane bəd kyen ya yèti aghi mɔ̀ʼɔ ane ikən chɔm we ne mo we ghà. (Kə̀ bəd mbo̰ kə̀ tiku bəd kyen ne yaʼi iye njiʼ, àze ya kayi anug mɔ̀ʼɔ inum. Anug ne mə̀ kyeri ya gha, chəyi Ŋwiye we nḛ̀ bəd yaʼ igun ife.)

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.