Matìyò 18:9 - Ikan feg

⁹ Kə̀ àmə yaʼ aghi ne ìwe ighə ya ghìyə̀ gha àghò ghiyə anug tibɔ̀ŋ, chìye ighə we waʼ. Ze bɔ̀ŋ gha àghò jəg ìtḛ̀ tì ighə imɔʼ chè icheg ne àghò biri bèrì aghə abe ne biri ghì mbi màʼ awe inga iywid ighə̀m imɔʼ.”

Meta’

⁹ E ɨghə mɨ ghɨ̀ ni à ghɨ ənû rɨbɔ̀ŋ, chɔʼ waʼ. Zɨə bɔ̀ŋ ni à jɨg ɨ̀tènɨ̀ mbɨ ɨghə mɔʼ, chè ɨchî nɨ à bɨrɨ berɨ əghə əbe, mbɨ màʼ əwe ɨŋga əsɨ ɨchə nɨ chəi ɨwid ə nɔ nìmə.”

Matìyò 18:9 ပူးပေါင်းရင်းမြစ်များ

Matìyò 16:26

Wə̀d kə mə̀ bèrì ighi igun isəg aŋa ijìm si sam ìwi ìtḛ̀, chùd ne angu àkə aghə? Kə̀ aghi ne tì wə̀d nàʼ ni zon ìwi ìtḛ̀, àkə aghə?

Matìyò 18:8

Àmə yaʼ aghi ne àze abo kə̀ àze aghog ze ghìyə̀ gha àghò ghiyə anug tibɔ̀ŋ, sɔb waʼ. Ze bɔ̀ŋ gha àghò jəg ìtḛ̀ tì aghog amɔʼ chè icheg ne àghò biri bèrì ighog ibe fɔrɔ ibo ibe ne biri ghì mbi màʼ awe inga iywid ighə̀m imɔʼ.

Matìyò 19:17

Yeso ya ywìtì ibo gha, “Aton ne àghò we bìre inum imbə̀ʼ anug chɔm àkə gha? À ya məyi Wə̀d imɔʼ ne bɔ̀ŋi. Àghò mə kə̀b ni jəg ìtḛ̀ ighə̀m imɔʼ, àghò nɔŋi tikə Ŋwiye.”

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Matìyò 5:29

Ìwe ighə aba abo jəghi mə̀ ya ghìyə̀ gha àghò ya gùghə̀ inug, chìye ighə we waʼ. Ze bɔ̀ŋ ine ni gha àze asiŋi nyɔd amɔʼ ze nim, chè icheg ne Ŋwiye biri màʼ ìze nyàmnyɔd ijìm inga asiŋi ichə.

Mk 9:47

Ìwe ighə mə̀ ghì gha àghò ghiyə anug tibɔ̀ŋ, chɔʼ. Ze bɔ̀ŋ gha àghò nyi inga anug ìfɔ̀n Ŋwiye tì ighə imɔʼ, chè icheg ne àghò biri bèrì aghə abe Ŋwiye màʼ awe inga asiŋi ichə.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.