Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matìyò 13:23 - Ikan feg

23 Àsi fitam ngwèd fe ne fendi igun ìseg chɔm, à ya wə̀d ne zùghə Ìngam Ŋwiye, atog məd zḛ. À ya məd ne biri ko titam achug iki, kə̀ ìghum tìfughə kə̀ ìghum itad, chè inun fitam ngwèd ne mbi ya nwḭ.”

အခန်းကိုကြည့်ပါ။ ကော်ပီ

Meta’

23 Ɨghɨ mbe nɨ nyaʼa feŋ ɨgwɨ ə si chɔ̀m yɨ ɨghabɨ ə bə̂d mbe nɨ zu ɨŋgam we, ɨtu mɨ̀mə̌d zeŋ, əne mbɨ kɔ rɨtamɨ, mbɨ mɔʼɔ kɔ rɨtam ɨkɨ fibɨ̀, mbɨ mɔʼɔ ɨwum rɨ̀fuə, mbɨ mɔʼɔ ɨwum tad.”

အခန်းကိုကြည့်ပါ။ ကော်ပီ




Matìyò 13:23
43 ပူးပေါင်းရင်းမြစ်များ  

Yeso ya chè imbìghè gha, “Àghò mə kon azed chɔm, fitam məd biri yaʼ ìfi chɔm. Àghò mə kon azed tibɔ̀ŋ, fitam məd biri bə̀ yaʼ ìfi tibɔ̀ŋ. Tesiʼ ya gha, azed ya mbe kyère ane fitam.


Fitam ngwèd mɔ̀ʼɔ ya fendi igun ìseg chɔm, kweg ko titam jəghi. Ìti mɔ̀ʼɔ ya ko achug iki, ìtin achug ìghum tìfughə, ìtin achug ìghum itad.


Ka bèyi amad anìŋ, Ŋwiye fə nɔ̀ŋì jam iban ighaŋ ized. Ane, wì biri wàd ized ijìm mbe ne chəyi mbe ko titam chɔm màʼ inga iywid.


Mbə̀ ghiyə inug mbe ne chwìye gha mbə̰ fə bə̀ŋì ìtən fìŋ sìkì inug tibɔ̀ŋ.


Mə gha tesiʼ inən gha, wə̀d ne chəyi wì bḛ anug ìfɔ̀n Ŋwiye icheg Ŋwan kwa, chəyi tengàŋ biri nɔ̀ʼ nyi inga anug ìfɔ̀n ze.”


Bəd mɔ̀ʼɔ ya icheg ighi ngwèd mbe ne mbi ya nwìyḭ igun ìseg chɔm. Mbɔb ya zùghə Ìngam Ŋwiye, bḛ. Ane, mbi ya ko titam. Mbi mɔ̀ʼɔ ya ko titam achug ìghum itad, mbi mɔ̀ʼɔ ko achug ìghum tìfughə, mbi mɔ̀ʼɔ ko achug iki ifibì.”


Wi mə ko fituʼ, ze bɔ̀ŋ. Àmə chəyi wi ko, àghò si ghà mə sɔb.›”


Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”


Ìti mɔ̀ʼɔ ya bə̀ fèndi igun ìseg chɔm. Ti ya fu, kweg icheg chɔm, bə̀ ko titam achug iki chè inun ne mbi ya nyɔ̀ʼi.” Yeso ya ghàm ane si ghà inɔb gha, “Wə̀d ne beri àtɔ̀ŋi wì zug.”


À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.


Wə̀d Ŋwiye ya zùghə anug ne Ŋwiye we ghà. Aton ne chəyi mbə̰ mbe zùgrə Ŋwiye ya imbə̀ʼ icheg ne mbə̰ kayi bɔn Ŋwiye.”


Àyi mɔ̀ʼɔ abɔ̀ʼ mə̀yi mbe ne ya zughi inug mbe ne tì yaya ghà ya Lidiyà. Wì ya nɔ̀ʼ a Tìyàtirà. Wì yaya fḛ̀ ndwi àka inun. Wi yaya bə̀ ghùmnə Ŋwiye. Anɔŋisəg ya fìʼì fìŋ məd gha wì zìye atog ane anug ne Pɔl yaya ghà.


Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.


À ya Ŋwiye we nàʼà ngwèd abə wə̀d mben bə̀ nàʼà tijəg abə bəd. À ya ane ne wì biri bə yètì izən ngwèd, bə̀ yètì ighi mbe ne mbə̀ beri ni ghì gha mbə biri se nàʼà ighi nɔʼ nɔʼ abə bəd ne chəyi àzɔb.


Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.


Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.


Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.


Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.


Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.


Wì biri ghì tiku inug tibɔ̀ŋ nɔʼ nɔʼ ni tambi bəd mbe ne biri ku nim. Mbɔb biri ku nim imbə̀ʼ icheg ne chəyi mbi ya kɔ̀ŋi ni bḛ tesiʼ ni pum.


Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.


Ŋwiye we zìyè àbɔrɔ̀bɔd igun ìseg ze ne mbə̀ŋ ze no igun, tijəg bə̀ kwèghe igun ni wètì bəd ne ghùyə̀ ighi.


Aŋa ya ikan ne mə̀ biri sɔb tì mə̀Izre igun aneg ze. Mə biri ghì mbi se kɔ̀ndɔ ìmbum mə̀nɔ̀ʼɔ̀ bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ. Mə biri yaʼ ìwɔb Ŋwiye. Mbɔb bə̀ si yaʼ ìmbum bəd.


Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.


Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ