Matìyò 13:12 - Ikan feg

¹² Ane, mbi biri nàʼ ighi ne taŋ nɔ̀ʼ abə wə̀d ne fə bi bèrì ighi mɔ̀ʼɔ, wì si ywìrì taŋ bèrì ighi ndan ndàn. Wə̀d ne chəyi wì beri ighi, ka bèyi iki piʼì we ne wì bèri, mbi biri niŋ ibo.

Meta’

¹² Əton nɨ mɨə ghàm əmbɨ mɨ̀mə̌d ənɨ ɨnû mɨgɨ yɨ ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ mbɨ bɨrɨ nɨŋ rɨ bɔ.

Matìyò 13:12 ပူးပေါင်းရင်းမြစ်များ

Matìyò 21:43

Ane, mə̀ ya anìŋ ghà inən gha, Ŋwiye biri niŋ anug ìfɔ̀n məd inən, si nàʼ abə bəd mbe ne biri se ghìyə̀ inug mbe ne məd kə̀bi.”

Matìyò 25:29

Mbə̀ niŋ imbə̀ʼ icheg ne wə̀d ne beri ighi, mbi biri nàʼ ighi ndəŋ ibo, wì si bèrì ighi ne taŋ nɔʼ. Àsi wə̀d ne chəyi wì beri ighi, ka bèyi iki ighi we ne wì bèri, mbi biri niŋ ibo.

Mk 12:9

Mbaʼ mben vayìn ze kə ghə̀nə? Wì biri ghò zweti bəd mbe ne ya nyìmi mben ze, si nàʼ mben ze abə bəd ndəŋ.

Lk 10:42

Aghi amɔʼ ze angu ne àghò kòʼi ni bèrì. À ya àzewən ze ne Mèri fə də̀bi. Ane, chəyi tì mbi ywìrì niŋ ibo.”

Lk 12:48

Àsi wə̀d ne chəyi wì kyèri aghi ne mbaʼ àfàʼì məd we kə̀bə̀, ne wì ya fàʼà yaʼ inug ne chwìye gha mbe sɔm aməd, mbi biri sɔm aməd iki piʼì. Wə̀d ijìm we ne mbi nàʼi ighi nɔʼ nɔʼ ibo, mbi biri bə kə̀b ighi nɔʼ nɔʼ ibo. Wə̀d we ne mbi naʼi ighi ne nɔʼi chè ibo, mbi biri bə kə̀b ighi ne bə̀ nɔʼ chè ibo.

Lk 16:2

Wə̀d ikab we ya kàrì wə̀d àfàʼì məd biri ibo gha, ‹Àkə anug ye ne mə zùghə anìŋ imbə̀ʼ awe? Niŋ ìmbe ìŋwàʼrì àfàʼì yeʼe chwi inum imbə̀ʼ icheg ne chəyi àghò biri ywiri fàʼ àfàʼì azo̰.›

Lk 16:25

Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Lk 8:18

Ane, mbə̀ taŋ zì atog ni zug inug mbe ne mə ghà inən. Bəd ne beri ìmbɔb ighi, mbi biri yètì ighi inɔb. Wə̀d ne chəyi wì beri ighi, ka à ya bè àze kwa kwa ze ne wì kɔ̀ndi gha zìye bèrì, mbi biri niŋ ibo.”

Lk 9:26

Wə̀d ne beri tìnìrètog imbə̀ʼ amə fɔrɔ ìmə ìngam, tengàŋ kyeri gha Ŋwan Wə̀d biri bə bèrì tìnìrètog imbə̀ʼ aməd. Wì biri bèrì tìnìrètog imbə̀ʼ tengàŋ anyumə̀ ne wì biri yeʼe ighəm ndəŋ tì ighumni we ne mbaʼ məd tì mbè angirə̀ ìzḛzḛ nàʼi ibo.

Jems 4:6

Si ya gha, Ŋwiye ghì ìchɔ̀mì ina ni gha tì təm kà chè inug tibɔ̀ŋ. A ze inga Àŋwàʼrì Ŋwiye gha: “Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.”

Ɨnû 2:5

Ane, kɔndi icheg ne àghò ya bi yaʼ bɔŋ se bə̀ndə̀ anjìm! Bə̀ŋə ìze fìŋ se ywìrè ghìyə̀ inug mbe ne àghò yaya bè ghìyə̀ a mbègtog. Àghò mə ton awe ni kɔpɔ, mə biri yeʼe ine, pè chì atən anam ze ne àghò we nɔ̀ŋɔ̀ àze anam igun.