Matìyò 12:41 - Ikan feg

⁴¹ Igun aneg ze ne Ŋwiye biri sɔb isaʼi igun bəd məjìm, bəd mbe a Ninivè biri nɔ̀ʼ gha iwaŋ bəd gho̰ gùg anug. Aton ya gha, anyumə̀ ne mbi ya zughi icheg ne Jonà yaya ghàmà Ìngam Ŋwiye, mbɔb ya bə̀ŋì fìŋ sìkì inug tibɔ̀ŋ. Inga nyùmə̀ isəg gho̰, wə̀d ne beri ati chè Jonà we aŋa.

Meta’

⁴¹ Ɨgwɨ əni ze nɨ Ŋwìə̀ ə sob mɨsaʼi, bə̂d mbe rɨ ə Ninivè bɨrɨ nɔ̀ʼ zɨ ɨsaʼi ɨgwɨ ɨghəm bə̂d wɔ̂ rɨ̀nîn, ɨmbə̀ʼ ɨghəm nɨ ənɨ Jonà nyaʼa ghà ɨŋgam Ŋwiə̀, mbɨ nyaʼa bèŋ tə fîŋ. Àyɨə mbə̀ zə ni əghɨ ə mɔʼɔ zɨ əgha nɨ dabə chè ə Jonà.

Matìyò 12:41 ပူးပေါင်းရင်းမြစ်များ

Matìyò 12:39

Yeso ya ywìtì inɔb gha, “Iwaŋ bəd gho̰ ne ghìyə̀ inug tibɔ̀ŋ ne chəyi mbi bə nɔ̀ŋì fìŋ igun Ŋwiye ya bìre yaʼ aneni anug. Si ya gha, chəyi aneni anug mɔ̀ʼɔ ne mə̀ biri chwi inɔb chèyi ane àze ne ya du abə wə̀dkə̀n Ŋwiye Jonà”

Matìyò 12:42

Igun aneg ze ne Ŋwiye biri sɔb isaʼi igun bəd məjìm, ifɔn àyi we a Sebà, aba isəg mə̀chɔŋɔ biri gha iwaŋ bəd gho̰ gùg anug imbə̀ʼ icheg ne wì ya nɔ̀ʼ asà agha yèʼe ni zug inug iwe mbe ne ifɔn Solomùn yaya ghàmà. Inga nyùmə̀ isəg gho̰, wə̀d ne beri ati chè Solomùn we aŋa.

Matìyò 12:45

ze ya bə̀ndə̀ ghò nìŋə izwighi tibɔ̀ŋ ndəŋ ìsàmbe ne taŋ bə chè aməd, mbi si yèʼe nyi chùghi inga nəb ze. Wə̀d we biri si bə chè icheg ne wì ya bi yaʼ. À ya bə̀ icheg ne ze biri yaʼ tì iwaŋ bəd tibɔ̀ŋ gho̰.”

Matìyò 12:6

Mə gha tesiʼ inən gha, aghi ne beri ati chè mbàn Ŋwiye ze aŋa.

Matìyò 16:4

Iwaŋ bəd gho̰ ne ghìyə̀ inug tibɔ̀ŋ ne chəyi mbe bə̀ nɔ̀ŋɔ̀ fìŋ igun Ŋwiye ya kə̀bə̀ ni bàd yaʼ ayeti anug. Si ya gha, chəyi Ŋwiye biri ghì ayeti anug inən chèyi ane àze ne ya du abə Jonà.” Yeso ya ghàm ane, si nɔ̀ʼ sàŋì awɔb ghò yi.

Matìyò 17:17

Yeso ya ywìtì gha, “Chəyi iwaŋ bəd gho̰ tèchɔ̀ŋ beri ibḛfiŋ. Mbɔb mbe ghìyə̀ inug ne chəyi mbi koʼi. Mə kə ywìri chughi tì inən ane agha ne sa iye? Mə̀ kə anìŋ ywìri nyimi fìŋ tì inən ane agha ne bə sa iye? Mbə̀ niŋ ŋwan mbaŋà we yèʼe nàʼ inum.”

Matìyò 23:36

Mə ghà tesiʼ inən, ngəʼ ìzo̰ ijìm biri nyi igun iwaŋ bəd gho̰ kwàʼ ijìm.”

Lk 11:32

Igun aneg ze ne Ŋwiye biri saʼ bəd, bəd mbe a Ninivè biri nɔ̀ʼ zì isaʼi igun ikəri bəd gho̰ imbə̀ʼ icheg ne, mbi ya to̰ awɔb inug tibɔ̀ŋ anyumə̀ ne Jonà ya ghàmi Ìngam Ŋwiye inɔb. Mə gha tesiʼ inən gha, wə̀d mɔ̀ʼɔ ne che Jonà we aŋa.”

Jn 3:31

Jɔn we ne yaya nàʼà mənib ya ywìrì gha, “Wə̀d we ne nɔ̀ʼi ikaŋ àbɔ̀ŋɔ ya wə̀d ne beri ati chè bəd məjìm. Wə̀d we ne mbi gwi aməd igun isəg ya wə̀d igun isəg. Wì ya ghàmà məyi inug mbe ne yaʼi inga isəg. Àsi Wə̀d we ne nɔ̀ʼi ikaŋ àbɔ̀ŋɔ, we bèrì ati chè bəd məjìm.

Jn 4:12

Àghò kə ijiʼi wə̀d ne che Jàkɔb, ìwa mbaʼ kyen ne ya tɔŋi ibighi mənib gho̰ nàʼ ina? Məd zìye ya no inga. Bɔn məd fɔrɔ nyam məd ya bə̀ no inga.”

Rm 2:27

Tesiʼ ya gha, bəd mbe ne kayi mə̀Ju ne nɔ̀ŋɔ̀ mə̀nɔ̀ʼɔ̀ Ŋwiye icheg ne ìtɔb fìŋ te ghà, ka chəyi mbi ya ŋweri awɔb, mbɔb bɔ̀ŋ chè awən mbə̰ mə̀Ju ne taŋ kyèri mə̀nɔ̀ʼɔ̀ Ŋwiye, ne chəyi mbə̰ mbe nɔ̀ŋɔ̀ mə̀nɔ̀ʼɔ̀ mbe.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.