Matìyò 11:6 - Ikan feg

⁶ Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

Meta’

⁶ Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ.”

Matìyò 11:6 ပူးပေါင်းရင်းမြစ်များ

Matìyò 13:21

Si ya gha, icheg ne chəyi ighaŋ fitam fe ya taŋ nyi aseg, fi ya kweg məyi ane iki nyumə̀. Anyumə̀ ne bəd ko ni chɔʼ ìmbɔb ibɔʼì ighog imbə̀ʼ ìngam we, mbɔb ya wàʼa ìwɔb ibḛfiŋ kwàʼ amad amad.

Matìyò 18:7

Ngəʼ kyen biri yaʼ igun isəg gho̰ imbə̀ʼ inug mbe ne ghìyə̀ gha bəd se ghìyə̀ inug tibɔ̀ŋ. Inug icheg mbo̰ ya mənyìʼ yèʼe, si ya gha, ngəʼ kyen biri nyi igun wə̀d ne mbi biri yeʼe anjìm məd.

Matìyò 24:10

Ibḛfiŋ abə bəd nɔʼ nɔʼ biri bɔd. Mbɔb biri se tàŋa mənaŋ igun mə̀mbin bə̀ pàbà mə̀mbin.

Matìyò 26:31

Anyumə̀ ne Yeso tì mə̀mə̀nənùg məd ya pè ikaŋ iwum mə̀Olìf, Yeso ya ghà inɔb gha, “Kwàʼ məyi izimi tèchɔ̀ŋ, mbə̰ məjìm biri nòrò awən sàŋì mə. A ze inga Àŋwàʼrì Ŋwiye gha, ‹Mə biri zweti Àjənjə̀g, izam njə̀g si sàkà.›

Matìyò 5:29

Ìwe ighə aba abo jəghi mə̀ ya ghìyə̀ gha àghò ya gùghə̀ inug, chìye ighə we waʼ. Ze bɔ̀ŋ ine ni gha àze asiŋi nyɔd amɔʼ ze nim, chè icheg ne Ŋwiye biri màʼ ìze nyàmnyɔd ijìm inga asiŋi ichə.

Mk 6:3

Imbə̀ʼ wə̀d gho̰ ya ŋwan Kəpindà, ŋwan Mèri? Imbə̀ʼ məfi məd ya Jem tì Jòseb tì Judàs fɔrɔ Sayimùn? Imbə̀ʼ njàbi məd te aŋa tì ina?” Mbi ya biri ane, to̰ awɔb ni bḛ inug məd.

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Lk 7:23

Ane, Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

Jn 16:1

Yeso ya chè imbìghè gha, “Mə fə ghà inug mbo̰ inən ni ghì gha imbə̀ʼ ìwən ibḛfiŋ nɔ̀ʼ bɔd.

Jn 6:66

Ni ko ane nyumə̀ we, mə̀mə̀nənùg məd nɔʼ nɔʼ ya nɔ̀ʼ abɔ̀ʼ məd. Chəyi mbi ywiri bène abɔ̀ʼ məd.

1 Kɔrèn 2:14

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

Gàlesìyà 5:11

Ìmbum məfi fɔrɔ ìtum njàbi, mə mə̀ ya kiri gha gha mbe ŋwed bəd, nji aton ne mbe kiri chɔʼɔ̀ ìmbum ibɔʼì ighog àkə gha? Mə mə̀ ya ghà ane, nji chəyi anug ze ne mə ghà imbə̀ʼ icheg ne Kristo ya ku igun azed abaʼri ze ywìrì bèrì aton.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.