Matìyò 11:5 - Ikan feg

⁵ Məfəg mbe se bàrà isiŋi. Bəd ne ighog sweʼe mbe se nɔ̀ʼɔ̀ yḛ̀ icheg chɔm. Aghɔn fə mèg igun bəd ne yaya ghɔ̰̀ àwàrikə̀m, mbi se zḛ. Bəd ne koro mbe se zùghə inug icheg chɔm fɔrɔ iwu bəd mbe zwème. Bəd mbe bə̀ ghà ikən chɔm abə bəd ne chəyi àzɔb.

Meta’

⁵ Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 11:5 ပူးပေါင်းရင်းမြစ်များ

Matìyò 10:8

Mbə̀ ghuyə ighɔn, zwèmni iwu bəd, ghù bəd ne ghɔ̰̀ àwàrikə̀m bə̀ kàmni izwighi tibɔ̀ŋ chì inga bəd. Mə fə nàʼ ika gho̰ inən ako, ane, mbə̀ bə fàʼ abə bəd ako.

Matìyò 11:4

Yeso ya ywìtì inɔb gha, “Mbə̀ gho mə̀tì inug mbe ne mbə̰ mbe zùghə bə̀ mə̀tì inug mbe ne mbə̰ mbe bàrà abə Jɔn.

Matìyò 12:13

Yeso ya ghàm ane, ghàbri ghà abə wə̀d we ne abo ya gwiʼe gha, “Sème àze abo.” Wə̀d we ya sèmì àzi abo kwàʼ ati ze sèmbè si yaʼ icheg àzin.

Matìyò 21:14

Məfəg tì bəd ne ighog sweʼe ya ghò abə Yeso inga mbàn Ŋwiye, wì ghu awɔb.

Matìyò 5:3

“Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Matìyò 9:30

Mbi ya ko se bàrà isiŋi. Yeso ya si pàti awɔb kɔ̀mbì kɔ̀mbì gha, “Imbə̀ʼ mbə̰ gha awən anug ne du abə wə̀d.”

Mk 7:37

Anug ya chè bəd mbe, mbi se ghà gha, “Wì fə ghì inug ijìm icheg chɔm. Wì fə ghì gha bəd ne koro se zùghə inug bə̀ ghì gha bəd ne chəyi mbe ghàmà mbi se ghàmà.”

Mk 9:25

Anyumə̀ ne Yeso ya bàri icheg ne inɔ̰ bəd yaya nòtò yèʼe fète, wì ya ghàm kyen abə azwighi tibɔ̀ŋ ze gha, “Àghò azwighi ze ne ghìyə̀ gha imbə̀ʼ wə̀d ghàm yi bə̀ ghìyə̀ gha imbə̀ʼ wə̀d zug yi anug, che dù inga ŋwan mbaŋà gho̰. Imbə̀ʼ àghò nɔ̀ʼ ywiri nyi awe inga məd.”

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 10:25

Yeso ya ywìtì gha, “Mə ya fə gha inən, si ya gha, chəyi mbə̀ bḛ. Iyeti inug mbe ne mə fàʼà ane ikum ìmə Mbaʼ mbe ghìyə̀ bəd kyere wə̀d we ne mə̀ yaʼi ìwiwən.

Jn 10:38

Mo mə̀ ya fàʼà inug mbe. Ka chəyi mbə̀ jiʼì kə̀b ni bḛ amə, mbə̀ bḛ yaʼ inug mbe ne mə ghìyə̀. Àze biri ghì mbə kyeri gha ìmə Mbaʼ we ane anug amɔʼ tì inum. Mo inum we bə̀ ane anug amɔʼ tì məd.”

Jn 2:23

Anyumə̀ we ne Yeso ya kiri biri a Jèrusalèm ane Iteri Chègun, bəd nɔʼ nɔʼ ya bàd iyeti inug ne wì yaya ghìyə̀ si bḛ anug məd.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 9:7

si ghà ibo gha, “Ndò, ghò sò ìwe ìfe inga atəŋ ze a Silòm.” (Silòm ya mbi gha, “Tɔm”). Wə̀d we ya ghò sò ìwi ìfe. Anyumə̀ ne wì yaya bə̀ndə̀, wì ya fə se bàrà isiŋi.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.