Matìyò 11:11 - Ikan feg

¹¹ Mə gha tesiʼ inən gha, abɔ̀ʼ bəd mbe ne mbi gwi igun isəg aŋa məjìm, chəyi wə̀d mɔ̀ʼɔ ne bèrì ati chè Jɔn we ne yaya nàʼà mənib. Si ya gha, wə̀d we ne kə chè bəd məjìm inga anug ìfɔ̀n ikaŋ, tengàŋ bèrì ati chè Jɔn.

Meta’

¹¹ Mə ghà rəsìʼ ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n we nɨə nàʼə̀ mɨnib. Àyɨə wə̀d we nɨ kə chè mbɨ mɨjìm ɨŋga ənû ɨfɔ̀n rɨkaŋ ə dabə chè əməd.

Matìyò 11:11 ပူးပေါင်းရင်းမြစ်များ

Matìyò 11:10

Jɔn ya wə̀d we ne mbi ya ŋwàʼri imbə̀ʼ aməd gha, ‹Nḛ, mə biri chà ìmə wə̀dtɔm ine imbìghè. Wì biri tangi ìwe inɔnjì.›

Matìyò 11:12

Ni ko ane nyumə̀ we ne Jɔn gho̰ yaya ghà ikən chɔm yèʼe pè tèchɔ̀ŋ, anug ìfɔ̀n ikaŋ fə zə̰ ngəʼ ka ka, ne à ya bəd ne kìrə ika mbe nyḭ̀yḛ inga.

Matìyò 3:1

Nyùmə̀ mɔ̀ʼɔ ya pè, Jɔn we ne nàʼà mənib gho inga ibad zɔbi we inga Jùdeyà. Wì ya pè ko se ghàmà Ìngam Ŋwiye.

Matìyò 3:11

Mə ya nàʼà mənib inən ni chwi gha mbə̰ fə bə̀ŋì ìtən fìŋ sìkì inug tibɔ̀ŋ. Si ya gha, wə̀d we ne yèʼe inum anjìm wì bèrì ati chè amə. Chəyi mə̀ koʼi ni bèʼì itami məd. Məd biri chà Azwighi Ŋwiye igun inən bə̀ chà iywid igun inən.

Matìyò 5:19

Ane, wə̀d mɔ̀ʼɔ mə̀ gùg ka bèyi nɔ̀ʼɔ̀ we ne taŋ kə chè mə̀nɔ̀ʼɔ̀ mbo̰ məjìm, bə̀ ywìrì ghì bəd ndəŋ gùg nɔ̀ʼɔ̀ we, mbi biri kàrì tengàŋ ane wə̀d ne kə chè bəd məjìm inga anug ìfɔ̀n ikaŋ. Àsi wə̀d ne nɔ̀ŋɔ̀ mə̀nɔ̀ʼɔ̀ mbo̰ bə̀ ghìyə̀ bəd ndəŋ nɔ̀ŋɔ̀ mə̀nɔ̀ʼɔ̀ mbo̰, mbi biri kàrì aməd ane wə̀d kyen inga anug ìfɔ̀n ikaŋ.

Lk 1:15

Wì biri yaʼ ijiʼi wə̀d imbìghè abə Anɔŋisəg. Imbə̀ʼ wì no yi mənoʼ ka ka ka. Azwighi Ŋwiye biri sweg inga məd ni ko ane nyùmə̀ ne mbi biri gwi aməd.

Lk 7:28

Mə ghà inən gha, Jɔn we ne yaya nàʼà mənib bèrì ati chè bəd mbe ne mbi gwi igun isəg aŋa məjìm. Si ya gha, wə̀d we ne kə chè bəd məjìm inga anug ìfɔ̀n Ŋwiye, tengàŋ bèrì ati chè Jɔn.”

Lk 9:48

Wì si ghà inɔb gha, “Wə̀d ne niŋi ŋwan kwa kwa gho̰ gha à ya mo cha, tengàŋ fə niŋ amə. Wə̀d ne niŋi amə, wì fə bə̀ niŋ wə̀d we ne cha amə.” Mbə̀ kyeri gha à ya wə̀d kwa kwa yaʼi ìwi kyen abɔ̀ʼ inən mbə̰ məjìm.

Jn 1:15

Jɔn gho̰ ne yaya nàʼà mənib ya ghà inug imbə̀ʼ aməd abə bəd anyumə̀ ne wì yaya ghàmà ane gì ka ka gha, “Aŋa ya wə̀d we ne mə̀ yaya ghàmà imbə̀ʼ aməd gha, ‹Wə̀d mɔ̀ʼɔ we yèʼe inum anjìm ne chè amə. Wì ya fə yaʼ yi angu, bɔŋ mbi ya se gwìye amə.›”

Jn 1:27

Məd ya wə̀d ne yèʼe inum anjìm. Si ya gha, chəyi mə̀ koʼi ane wə̀d ne tì mə zà iniʼ atami məd.”

Jn 10:41

Bəd nɔʼ nɔʼ ya ghò bàd aməd. Mbi yaya ghàmà mbɔb mbɔb gha, “Ka chəyi Jɔn we ne yaya nàʼà mənib ya fàʼi ayeti anug, inug mbe ne wì yaya ghàmà imbə̀ʼ wə̀d gho̰ ya kwàʼ tesiʼ.”

Jn 3:30

Inug məd ijìm mənyìʼ chè imbìghè. Ìmbum tì inug mənyìʼ se bə̀ndə̀ anjìm.”

Jn 5:35

Jɔn ya yaʼ icheg anam ne yaya bère ghìyə̀ isiŋi zḛ. Mbə̰ yaya gyènde ane iki nyumə̀ mɔ̀ʼɔ icheg ne mbə̀ yaya yḛ̀ inga ìzḛzḛ we.

Jn 7:39

Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

1 Kɔrèn 15:9

Mo ya wə̀dtɔm Kristo ne kə chè bədtɔm Kristo məjìm. Chəyi mə̀ bi kòʼ ni gha mbe kàrà amə ane wə̀dtɔm Kristo imbə̀ʼ icheg ne mə yaya chɔ̀ʼɔ ibɔʼì ighog abə ifeti bəd Ŋwiye.

1 Kɔrèn 6:4

Anyumə̀ ne mbə̀ beri tisaʼi kwa kwa icheg ìto̰, mbə̰ ya ghò chɔ̀ʼɔ bəd ne kayi bəd Kristo gha mbe saʼ awən. Aton ne mbə̰ mbe ghìyə̀ ane, àkə gha?

Efesùs 2:3

Mba məjìm ya kweʼì yaʼ icheg inɔb icheg ne tì yaya fànà bə̀ ghìyə̀ inug mbe ne ìta nyàmnyɔd te ghə̀ʼrə̀. Tì yaya bə̀ bène abɔ̀ʼ ighi mbe ne ìta nyàmnyɔd fɔrɔ ìta tikɔndi te kə̀bə̀. Ane, Ŋwiye ya fə nɔ̀ŋì ni gaŋ tì ina icheg ne wì ya bə gaŋ tì inɔb.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

2 Timotì 1:10

Ìchɔ̀mì gho̰ ya Ŋwiye fə chwi ina icheg ne Yeso Kristo ne pumni awa fə yeʼe. Məd ya chìkì ika we ne iwu beri igun bəd, si ghì bəd jəg ìtḛ̀ fɔrɔ anug ni chughi izɔm ane ighə̀m imɔʼ. Ŋwiye chè anjìm ikən chɔm imbə̀ʼ Yeso fàʼ inug mbo̰.

Mə̀Hibrù 11:40

Chəyi Ŋwiye ya nàʼi ighi mbe ne wì ya kàʼi inɔb imbə̀ʼ icheg ne wì ya nɔ̀ŋì gha mbɔb biri fɔtɔ tì ina bɔŋ si bɔ̀ŋ mànì.

1 Pità 1:10

Bədkə̀n Ŋwiye ya taŋ kə̀b ni kyeri inug imbə̀ʼ icheg ni pum. Mbi ya taŋ nwèndi inug imbə̀ʼ ìchɔ̀mì gho̰ ne Ŋwiye kàʼi nɔ̀ŋì inən. Mbi ya taŋ nwèndi inug imbə̀ʼ ìchɔ̀mì gho̰, si ya gha, chəyi ìmbɔb itog ya zḛ imbə̀ʼ inug mbe.