Matìyò 10:3 - Ikan feg

³ tì Filib tì Bàtòlomìyò tì Tòmas fɔrɔ Matìyò ne ya wə̀dtag tì Jem ŋwan Afòs tì Tàdiyòs

Meta’

³ Filip mbɨ Bàtòlòmiù; Tomas mbɨ Matiù we nɨ nyaʼə əfetɨ mɨ̀tagsɨ̀; Jems nɨ nyaʼə wan Alfaùs mbɨ Tàdiòs;

Matìyò 10:3 ပူးပေါင်းရင်းမြစ်များ

Matìyò 18:17

Àmə yaʼ aghi ne chəyi wì kiri kəbi ni zug, àghò mətə anug ze abə itog bəd inga ifeti bəd Kristo. Àmə bə̀ yaʼ aghi ne chəyi wì kiri kəbi ni zug abə itog bəd inga ifeti bəd Kristo, mbə̀ niŋ aməd icheg wə̀d ne chəyi wì kiri bḛ Ŋwiye, kə̀ icheg wə̀dtag.”

Matìyò 27:56

Mə̀yi mɔ̀ʼɔ abɔ̀ʼ inɔb yaya Mèri Màdàlen tì Mèri we ne ya ngɔb Jem tì Jòseb fɔrɔ ngɔb bɔn Zebedì.

Matìyò 9:9

Icheg ne Yeso ya nɔ̀ʼi asiŋi ze, wì yaya ghò nyì bàd wə̀d mɔ̀ʼɔ ne ikum məd ya Matìyò. Wì ya yaʼ ichughi asiŋi àfàʼì məd ne we nìŋə tag. Yeso ya ghà ibo gha, “Àghò beni abɔ̀ʼ inum.” Matìyò ya bə̀ nɔ̀ʼ bèni ibo anjìm.

Mk 15:40

Mə̀yi mɔ̀ʼɔ yaya bə̀ angu ne ya təmi ane agha se ghi nḛ̀. Mə̀yi mɔ̀ʼɔ abɔ̀ʼ inɔb yaya: Mèri Màdàlen, Mèri ngɔb Jem kwa tì Jòseb fɔrɔ Sàlomè.

Mk 2:14

Icheg ne wì yaya yḛ̀ nè chwìte inug, wì ya bàd Levì ne ya ŋwan Afòs. Levì ya chughi inga nəb mə̀tag. Anyumə̀ ne Yeso ya bàri aməd, wì ya ghà ibo gha, “Beni abɔ̀ʼ inum.” Levì ya nɔ̀ʼ bèni abɔ̀ʼ məd.

Mk 3:18

Mbi ndəŋ ya Andrò, tì Filib, tì Bàtòlomìyò, tì Matìyò, tì Tòmas, tì Jem ne ya ŋwan Afòs, tì Tàdiyòs, tì Sayimùn ne mbi yaya kàrà ane Zilɔ̀d.

Lk 18:10

Wì ya gha, “Mbaŋà mɔ̀ʼɔ tìbe ya ghò inga mbàn Ŋwiye ni chàʼra Ŋwiye. Ìwi mɔ̀ʼɔ ya yaʼ Farìsi, ìywin ya yaʼ wə̀dtag.

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Lk 18:13

Icheg ne wì yaya chàʼrà Ŋwiye ane, wə̀dtag ya təm agha se, ne chəyi wì ya bi nɔ̀ atog ikaŋ. Wì ya feti ibo nɔ̀ŋì igun atog se chàʼrà Ŋwiye gha, ‹Mə ya wə̀d inug tibɔ̀ŋ, Ŋwiye beri àsɔ̀mnəfiŋ igun inum.›

Lk 19:2

Wə̀d mɔ̀ʼɔ ya yaʼ angu ne ikum məd ya Zàkiyòs. Məd ya yaʼ atog wə̀d abə bəd ne nìŋə tag. Wì ya bèrì ighi nɔʼ nɔʼ.

Lk 5:27

Yeso ya nɔ̀ʼ angu, dù isəg bàd wə̀dtag mɔ̀ʼɔ ne ikum məd ya Levì. Wì ya chughi imbìghè nəb ibo asiŋi àfàʼì. Yeso ya ghà ibo gha, “Beni abɔ̀ʼ inum.”

Jn 1:48

Nàtanìyè ya biri abə Yeso gha, “Àghò kə che iye kyèri amə?” Yeso ya ywìtì gha, “Kyeri gha, mə kə bàd we ìtḭ azed fig bɔŋ Filib se kàrà awe.”

Jn 11:16

Tòmas we ne mbi yaya kàrà ane Ànjiŋə, ya ghò ghà abə mbin tì mə̀mə̀nənùg gha, “Tè gho abɔ̀ʼ məd, ni gha, ze mə chwi tì fɔrɔ kùyə tì məd.”

Jn 14:22

Judàs mɔ̀ʼɔ we ne kayi Judàs Ikarìyɔ̀d, ya ghà ibo gha, “Anɔŋisəg, àghò kə ghi chwi ìwe nyɔd ina iye, ne chəyi àghò chwi abə bəd igun isəg?”

Jn 14:5

Tòmas ya biri abə Yeso gha, “Anɔŋisəg, Chəyi tì kyeri asiŋi ne àghò we ghò angu. Tì kə ghi si kyèri inɔnjì iye?”

Jn 14:9

Yeso ya ywìtì gha, “Filib, chəyi àghò kiri kyeri amə, ane nyumə̀ gho̰ ne mə chughi tì inən anìŋ? Wə̀d ne bàd amə, fə bàd ìmə Mbaʼ. Àghò kə chè iye ghi gha, ‹Chwi ìwe Mbaʼ ina›?

Jn 21:2

Sayimùn Pità tì Tòmas we ne ya ànjiŋə tì Nàtanìyè we a Kanà inga Galìli tì bɔn ìmbi Zebedì, tì mə̀mə̀nənùg ndəŋ məbe ya yaʼ ane asiŋi afibì.

Ɨ̀fàʼì 1:13

Anyumə̀ ne mbɔb ya pe a Jèrusalèm, mbi ya kɔʼ ghò inga atog nəb ze igun. À ya asiŋi ne mbɔb yaya chùghə angu ane nyumə̀ we. Mbɔb yaya: Pità tì Jɔn tì Jem fɔrɔ Andrò tì Filib fɔrɔ Tòmas tì Bàtòlomìyò fɔrɔ Matìyò tì Jem we ne ya ŋwan ìwi Afòs fɔrɔ Sayimùn we ne mbi yaya kàrà ane Zilɔ̀d fɔrɔ Judàs, ŋwan Jem.

Ɨ̀fàʼì 12:17

Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨ̀fàʼì 15:13

Anyumə̀ ne mbi ya ghàmi mànì, Jem ya gha, “Ìmbum məfi, mbə̀ təm mə̀ ghama.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Gàlesìyà 1:19

Chəyi mə̀ ya bàri wə̀dtɔm Kristo ndəŋ ka chèyi ane Jem we ne yaʼi ifi Anɔŋisəg.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.