Matìyò 1:22 - Ikan feg

²² Inug mbo̰ ijìm ya dù kwàʼ icheg ne Anɔŋisəg ya fə che anjìm wə̀dkə̀n Ŋwiye ghà.

Meta’

²² Ɨnû mbɔ̂ nyaʼa ghɨ̀ ɨmbə̀ʼ ɨŋgam we nɨ Ə̀nùŋɨ̀sɨg nyaʼa che ənjìm i wə̀d ɨ̀kə̀n ghà, wɨ jwɨ ənɨ rəsìʼ ni:

Matìyò 1:22 ပူးပေါင်းရင်းမြစ်များ

Matìyò 12:17

Anug azo̰ ya yaʼ anìŋ ni ghì gha anug ne wə̀dkə̀n Ŋwiye Àzayà ya gha, ze duwə ane tesiʼ.

Matìyò 13:21

Si ya gha, icheg ne chəyi ighaŋ fitam fe ya taŋ nyi aseg, fi ya kweg məyi ane iki nyumə̀. Anyumə̀ ne bəd ko ni chɔʼ ìmbɔb ibɔʼì ighog imbə̀ʼ ìngam we, mbɔb ya wàʼa ìwɔb ibḛfiŋ kwàʼ amad amad.

Matìyò 13:35

Wì ya ghì anìŋ ni gha anug ze ne wə̀dkə̀n Ŋwiye ya gha ze duwə ane tesiʼ. Anug ze ya gha: “Mə biri ghàm inɔb inga tìngam məgri. Mə biri mə̀tì inug inɔb ne yaʼi inə̀mbi nɔ̀ʼ ane nyumə̀ ne Ŋwiye ya tangi isəg.”

Matìyò 2:15

Mbɔb ya chughi angu anene ifɔn Erɔ̀d ku. Ane, ìngam we ne Anɔŋisəg ya che anjìm wə̀dkə̀n ghàm, wì ya dù ane tesiʼ. Ìngam we ya gha, “Mə ya kàrì ìmə ŋwan wì nɔʼ chè dù inga Ijìb.”

Matìyò 2:23

Wì ya pè chùghi asiŋi ze ne mbe kàrà ane Nazarèd. Àzo̰ ghì anug ne bədkə̀n Ŋwiye ya gha ze dù ane tesiʼ. Anug ze ya gha, “Mbi biri se kàrà aməd ane wə̀d a Nazarèd.”

Matìyò 5:17

Yeso ya chè imbìghè gha, “Imbə̀ʼ mbə̰ kɔndɔ awən gha mə fə yeʼe ni nimni Mə̀nɔ̀ʼɔ̀ Muse bə̀ nimni inug mbe ne bədkə̀n Ŋwiye ya ŋwàʼri. Chəyi mə̀ yeʼe ni nimni inug mbo̰ ka. Mə yèʼe ni ghì gha inug mbo̰ ijìm mbe duwə ane tesiʼ.

Matìyò 8:17

Inug mbo̰ ijìm ya dù ane tesiʼ kwàʼ icheg ne wə̀dkə̀n Ŋwiye Àzayà ya fə gha gha: “Məd fə niŋ ìmba inug tibɔ̀ŋ bə̀ ghù ìmba ighɔn ijìm.”

Lk 21:22

Inug mbo̰ biri dù kwàʼ icheg ne mbi yaʼi inga Àŋwàʼrì imbə̀ʼ icheg ne, inga nyùmə̀ we Ŋwiye biri gaŋ, zì ngəʼ igun bəd inug tibɔ̀ŋ.

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 10:35

Tè kyèri gha, anug ne Àŋwàʼrì Ŋwiye gha, à ya tesiʼ ne chəyi tì wə̀d chɔ̀ʼri. Ane, Ŋwiye ya kàrì bəd mbe ne ya zugri ìngam məd ane mə̀ŋwiye.

Jn 15:25

Àzo̰ ya yaʼ anìŋ, ni ghì gha, anug ze ne mə̀nɔ̀ʼɔ̀ gha, ze duwə ane tesiʼ gha: ‹Mbi ya pàbà amə, witì zə̰ aton.›”

Jn 17:12

Anyumə̀ ne mə̀ ya yaʼi tì inɔb, mə yaya kyèʼrè awɔb bə̀ kə̀ndə awɔb ane ika we ne yaʼi ane ikum, ikum we ne àghò nàʼi inum. Chəyi wə̀d mɔ̀ʼɔ imɔʼ abɔ̀ʼ inɔb ne nimi. À ya məyi wə̀d we ne ze ya fə chwi gha wì biri nim, ni ghì ghà anug ne yaʼi inga Àŋwàʼrì Ŋwiye ze duwə ane tesiʼ.”

Jn 18:9

Anug azo̰ ya dù ni ghì gha, ìngam we ne məd ya ghum ghà we duwə ane tesiʼ. Wì ya ghùm gha, “Chəyi wə̀d mɔ̀ʼɔ imɔʼ inga bəd mbe ne àghò ya naʼi inum nìmi.”

Ɨ̀fàʼì 3:18

Aŋa ya anug ze ne Ŋwiyekɔʼ ya ghum chè anjìm bədkə̀n məd məjìm ghà. Wì ya gha, ‹Wə̀d we ne Ŋwiye zɔ̀ʼi biri ghum zə̰ ngəʼ.›

Rm 1:2

Ŋwiye ya fə bì kàʼ ikən chɔm gho̰ anjìm bədkə̀n məd. Mbɔb ya ŋwàʼrì imbə̀ʼ ikən chɔm gho̰ inga Àŋwàʼrì Ŋwiye.

Ɨnû 17:17

Mbɔb biri ghì ane imbə̀ʼ icheg ne Ŋwiye fə zì inga ìtɔb fìŋ gha mbe ghiyə anug ze ne wì ya fə chuʼri. Mbi biri zì ìmbɔb itog ane ìmbi imɔʼ, nàʼ ika ni tùmbì bəd abə nyam kyen mbègtog ze pè ane nyumə̀ ne Ìngam Ŋwiye biri dù ane tesiʼ.