Mə̀Hibrù 9:24 - Ikan feg

²⁴ Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Meta’

²⁴ Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

Mə̀Hibrù 9:24 ပူးပေါင်းရင်းမြစ်များ

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Mk 14:58

“Tì ya zug we ghà gha, ‹Mə biri sàʼ Mbàn Ŋwiye ìzo̰ ne mbi bɔmi ane ibo, ywìrì niŋ ineg itad kɔd ìzi ndəŋ ne kayi mbi bɔmi ane ibo.›”

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Lk 24:51

Icheg ne wì yaya zìyè àbɔrɔ̀bɔd igun inɔb ane, Ŋwiye ya niŋ aməd ikaŋ àbɔ̀ŋɔ.

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 6:62

Mbə̀ kə ghum si ghì iye anyumə̀ ne mbə̀ bari Ŋwan Wə̀d we ghò yi ikaŋ, asiŋi ze ne wi yaya bè angu?

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

Rm 8:33

Wə̀d ne zìyè isaʼi igun bəd mbe ne Ŋwiye chɔ̀ʼi àkə we? Ŋwiye fə ghà kwàʼ zìye zìye gha chəyi mbi gughi anug.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Kòlosè 3:2

Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 6:20

Yeso ya fə ghò ina imbìghè nyi inga asiŋi ze ane ìwa ighəm. Məd ya se atog wə̀d igun bəd mbàn Ŋwiye ne fàʼà ina ane ighə̀m imɔʼ, ne du ane iwaŋ Mèkisedèg.

Mə̀Hibrù 8:2

Atog wə̀d azo̰ ya fàʼà inga asiŋi ze ne zḛ mànì. Asiŋi ze ya azuŋ tesiʼ ne Anɔŋisəg zìye kɔri, ne kayi wə̀d-aku kɔ̀ri.

Mə̀Hibrù 8:5

Inug mbe ne mbɔb mbe fàʼà icheg bəd mbàn Ŋwiye ya icheg afugri fɔrɔ icheg àzìŋə ane inug mbe ne yaʼi ikaŋ àbɔ̀ŋɔ. Aŋa ya aton ze ne Ŋwiye ya pati Muse anyumə̀ ne Muse yaya se nḛ ni kɔd Azuŋ Ŋwiye. Ŋwiye ya ghà ibo gha, “Àghò niŋ nyumə̀ ni tangi ighi ijìm kwàʼ icheg ne mə̀ ya chwi ine ikaŋ iwum.”

Mə̀Hibrù 9:1

Ikan mbègtog ya bèrì mə̀nɔ̀ʼɔ̀ ne chwìye icheg ne bəd koʼi ni ghumni Ŋwiye. Wì ya bə̀ chwi asiŋi ne koʼi ni ghumni Ŋwiye igun isəg.

Mə̀Hibrù 9:23

Ze ya kòʼ gha mbe so ighi mbe ne fugri ighi ne yaʼ ikaŋ àbɔ̀ŋɔ ane ighi àfàtì mbo̰. Àsi ighi mbe ne yaʼi ikaŋ àbɔ̀ŋɔ, ze bɔ̀ŋ ni sò ane ighi àfàtì ne bɔŋi chè.

Mə̀Hibrù 9:9

Anug azo̰ ya tòʼrò abə bəd inga nyùmə̀ gho̰ amad anìŋ gha, chəyi ighi àfàtì mbe ne mbi yaya nàʼà ya beri ika ni sò inug tibɔ̀ŋ abə bəd mbe ne yaya ghùmnə Ŋwiye inga mbàn Ŋwiye ni gha mbe zen mànì.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

Ɨnû 8:3

Angirə̀ ndəŋ ya yeʼe pè təm ane ikwijə̀ŋ àfàtì tì akaŋ ìnen mɔ̀ʼɔ ne mbi tangi ane gol. Mbi ya nàʼ ìnen nɔʼ nɔʼ ibo gha wì fɔti abɔ̀ʼ tichaʼri Ŋwiye te ne bəd Ŋwiye məjìm naʼi, si tòn igun ikwijə̀ŋ àfàtì we ne mbi tangi ane gol. Ikwijə̀ŋ àfàtì we ya yaʼ imbìghè abə atən ifɔn ze.