Mə̀Hibrù 9:14 - Ikan feg

¹⁴ Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Meta’

¹⁴ njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Mə̀Hibrù 9:14 ပူးပေါင်းရင်းမြစ်များ

Matìyò 12:28

Kə̀ àmə yaʼ ne mə kàmna izwighi tibɔ̀ŋ ane ika ne Azwighi Ŋwiye naʼi inum, nji ane ya gha, anug ìfɔ̀n Ŋwiye fə yeʼe inən.

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 7:11

Mbə̰ bəd ne ghìyə̀ inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne ìwən Mbaʼ we ne yaʼi ikaŋ àbɔ̀ŋɔ biri taŋ nàʼ ighi chɔm chɔm abə bəd mbe ne nɔ̰ ighi ibo.

Lk 1:74

ni ghì gha tè pum ikye ibo abə ìmba bəd ìpàb, bə̀ ghì gha tè fàʼà ibo ne chəyi ibɔ,

Lk 12:24

Mbə̀ nḛ tìnən icheg àŋa. Chəyi te wèrè ngwèd kə̀ bə̀ nìŋə ighi a mben. Chəyi ti beri itog nəb ni ya nɔ̀ŋɔ̀ ighi kə̀ bə̀ bèrì ngən. À ya Ŋwiye ya jə awɔb. Àsi awən, mbə̰ ya ighi àka inun ne che tìnən.

Lk 12:28

À ya Ŋwiye we zìyè ndwi igun agyen ne tèchɔ̀ŋ ze kweg, isu ze ku, zɔm, mbi tɔ̀n inga iywid. Mbə̰ si kɔ̀ndi gha, chəyi Ŋwiye biri zì ndwi igun inən? Mbə̰ ya kwàʼ bəd ne ibḛfiŋ kə!

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Ɨ̀fàʼì 1:2

Mə ya mə̀tì inug mbe anene ghò pè ane aneg ze ne Ŋwiye ya niŋi aməd ikaŋ àbɔ̀ŋɔ. Bɔŋ Yeso ya se ghò ikaŋ, wì ya fə bì chè anjìm Azwighi Ŋwiye nàʼ tikə abə bədtɔm mbe ne wì ya chɔʼi.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 14:15

“Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Rm 1:20

Nɔ̀ʼ ane nyumə̀ ne Ŋwiye ya tangi isəg, məd Ŋwiye fə ghì inug nɔʼ nɔʼ ni chwi abə bəd gha zìye Ŋwiye we angu. Ineni inug nɔʼ nɔʼ mbe bə̀ angu kwàʼ asaŋ inga ighi mbe ne Ŋwiye tàngi ne chwìye inug imbə̀ʼ aməd we ne chəyi te bàrà. Inug mbe ya; ikuchèg məd icheg Ŋwiye fɔrɔ ika məd ne yaʼi ane ighə̀m imɔʼ. Ane, chəyi wə̀d mɔ̀ʼɔ ne tì we gha chəyi zìye kyeri Ŋwiye tesiʼ.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Rm 11:12

Àmə yaʼ ne inug tibɔ̀ŋ mə̀Ju fɔrɔ icheg ne mbɔb ya to̰ awɔb Ŋwiye ya ghi bəd ne kayi mə̀Ju jəg ìchɔ̀mì, àze chwi gha, Ŋwiye biri ghì mə̀Ju taŋ jəg ìchɔ̀mì anyumə̀ ne mbɔb məjìm fɔti abɔ̀ʼ bəd ne kayi mə̀Ju ni bḛ Ŋwiye.

Rm 11:24

Mbə̰ mbe ne kayi mə̀Ju, mbə̰ ya icheg titab azed olìf tibɔ̀ŋ te ne wì ya sɔbi ghò nàndì ane azed olìf chɔm. Chəyi ze ya kòʼi ni yaʼ ane. Mə̀Ju ya icheg azed olìf chɔm. Ane, ze biri zàm abə Ŋwiye ni ywiri nàndì awɔb ane azed chɔm ze ne mbi ya sɔb awɔb chì angu.

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

2 Kɔrèn 6:16

Àkə anug zeg ne mbàn Ŋwiye beri tì mə̀ŋwiye? Mba ya mbàn ne Ŋwiye we ne yaʼi izɔm we chùghə inga. Ŋwiye zìye fə ghà gha, “Mə biri chughi tì inɔb bə̀ yèn abɔ̀ʼ inɔb. Mə biri yaʼ ìwɔb Ŋwiye, mbɔb bə̀ yaʼ ìmbum bəd.”

Gàlesìyà 2:19

Anug mə̀ yaʼ àze ne zi mə̀nɔ̀ʼɔ̀ Muse, mo ya icheg awu wə̀d, awu wə̀d ne à ya mə̀nɔ̀ʼɔ̀ Muse zweti. Ane ya ni ghì gha mə̀ si yaʼ izɔm se fàʼà abə Ŋwiye.

Efesùs 2:5

ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

1 Tèsàlonikà 1:9

Mbɔb mbe ghàmà yète ikuchèg ne mbə̀ ya niŋi awa icheg chɔm anyumə̀ ne tì ya yeʼe inən. Mbɔb mbe bə̀ ghà icheg ne mbə̀ fə waʼi mə̀ŋwiye ako se fàʼà abə Ŋwiye tesiʼ we ne yaʼi izɔm.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 3:15

Mə ya ŋwàʼrà ni gha mə mə̀ tàn ni yeʼe, àghò biri kyeri icheg ne bəd Kristo beri ni fàʼ inug inga ifeti bəd Ŋwiye. Ifeti gho̰ ya ifeti bəd Ŋwiye we ne yaʼi izɔm. Mbɔb nyimi tesiʼ kwàʼ icheg ne ìte fɔrɔ ati nəb mbe bə̀ nyìme nəb.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 10:10

Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.

Mə̀Hibrù 10:12

Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.

Mə̀Hibrù 10:2

Àkə aghi ne ighi àfàtì mbe yaya sò bəd mbi zḛ mànà, imbə̀ʼ nji chəyi mbe ywìrè nàʼà? Nji bəd mbe ne ghùmnə Ŋwiye fə zen ighə̀m imɔʼ ne chəyi ìtɔb fìŋ biri ya ywìrè sàʼa awɔb imbə̀ʼ ìmbɔb inug tibɔ̀ŋ.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 11:21

Anyumə̀ ne Jàkɔb ya se nḛ̀ ni ku, à ya anjìm ibḛfiŋ ne wì ya zì àbɔrɔ̀bɔd igun bɔn ìmbi Jòseb. Wì ya bə̀ zə̀ʼrə igun ìfi fìmbàŋì ghùmni Ŋwiye.

Mə̀Hibrù 13:12

À ya aton ne chəyi Yeso ya ku inga ikye aben a Jèrusalèm ne bəd mbe chùghə. Wì ya dù si zə̰ ngəʼ ku anjìm isəg ni sò inug tibɔ̀ŋ bəd ane àze anəm.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 6:1

Tì saŋa inug mbègtog mbe ne tì ya ghum nàni imbə̀ʼ kristo si chè imbìghè ni nani yaʼ inug mbe ne mbe chwìte abə bəd mbe ne fə təmi kà inga anug Ŋwiye: Tì saŋa anug ni ya ywìrè chwiti gha bəd bəŋə ìtɔb fìŋ sìkì inug tibɔ̀ŋ ne tì mbi ghì mbɔb ku fɔrɔ anug ni nɔ̀ŋì ibḛfiŋ igun Ŋwiye.

Mə̀Hibrù 7:16

Məd ya wə̀d mbàn Ŋwiye anjìm ika we ne yaʼi inga ìtḛ̀ ne chəyi tì aghi mɔ̀ʼɔ nimni. Məd kayi wə̀d mbàn icheg ne mə̀nɔ̀ʼɔ̀ Muse chwi.

Mə̀Hibrù 7:27

Mbin tì itog bəd igun bəd mbàn Ŋwiye məjìm yaya nàʼà ighi àfàtì ineg ijìm. Mbɔb ya bì ko nàʼ ighi àfàtì ane ìmbɔb tì inug tibɔ̀ŋ, bɔŋ si nàʼ ighi àfàtì ane inug tibɔ̀ŋ bəd ndəŋ. Chəyi Yeso ya ghi icheg inɔb. Məd ya fə nàʼ àze atog icheg aghi àfàtì ane inug tibɔ̀ŋ bəd məjìm ane ighə̀m imɔʼ.

Mə̀Hibrù 9:12

Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

Mə̀Hibrù 9:26

Àkə aghi ne wì ya nyi aghəm nɔʼ nɔʼ, nji wì ya bə̀ zə̰ ngəʼ aghəm nɔʼ nɔʼ ni ko ane nyùmə̀ ne Ŋwiye ya tangi isəg. Wì fə yeʼe ighəm imɔʼ ane nyùmə̀ isəg we ne se nwḭ̀yḛ̀ nàʼ ìwi nyɔd ane aghi àfàtì imbə̀ʼ sò inug tibɔ̀ŋ bəd məjìm inga nyùmə̀ isəg ijìm.

Mə̀Hibrù 9:7

Si ya gha, à ya məyi atog wə̀d igun bəd mbàn ne tì wì nyi pè inga atog nəb ze anjìm. Wì yaya nyḭ̀yḛ inga məyi ighə̀m imɔʼ igun fituʼ. Chəyi we nyḭ̀yḛ inga ne chəyi anəm ne wì biri chəmni ane inug tibɔ̀ŋ məd fɔrɔ ane inug tibɔ̀ŋ bəd ndəŋ ne mbi ghi abəŋ.

Mə̀Hibrù 9:9

Anug azo̰ ya tòʼrò abə bəd inga nyùmə̀ gho̰ amad anìŋ gha, chəyi ighi àfàtì mbe ne mbi yaya nàʼà ya beri ika ni sò inug tibɔ̀ŋ abə bəd mbe ne yaya ghùmnə Ŋwiye inga mbàn Ŋwiye ni gha mbe zen mànì.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Pità 2:22

Chəyi wì ya gùghi anug. Chəyi wì ya bə ghà anug ako mɔ̀ʼɔ.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.