Mə̀Hibrù 9:12 - Ikan feg

¹² Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

Meta’

¹² Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Mə̀Hibrù 9:12 ပူးပေါင်းရင်းမြစ်များ

Mk 3:29

Si ya gha, chəyi wì biri nɔ̀ʼ waʼ inug tibɔ̀ŋ wə̀d ne zɔ̀mbɔ̀ Azwighi Ŋwiye. À ya ane imbə̀ʼ icheg ne tengàŋ fə ghì anug tibɔ̀ŋ ne chəyi Ŋwiye biri nɔ̀ʼ waʼ.”

Lk 1:68

“Ighumni yaʼ abə Anɔŋisəg, ne ya Ŋwiye mə̀Izre, imbə̀ʼ icheg ne məd yèʼe ni wètì ìmbi bəd bə̀ zèri awɔb.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Kòlosè 1:14

À ya Ŋwan məd we ghi Ŋwiye zèri awa chì inga ngəʼ icheg ne wì waʼi ìmba inug tibɔ̀ŋ.

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 10:19

Ane, ìmbum məfi fɔrɔ ìtum njàbi, tì nyi inga asiŋi ne zḛ mànì inga mbàn Ŋwiye anjìm anəm Yeso ne chəyi te bɔ.

Mə̀Hibrù 10:4

Ze ya ane imbə̀ʼ icheg ne chəyi tì anəm pɔ̀ŋ tì anəm gwi sò inug tibɔ̀ŋ wə̀d chì.

Mə̀Hibrù 13:12

À ya aton ne chəyi Yeso ya ku inga ikye aben a Jèrusalèm ne bəd mbe chùghə. Wì ya dù si zə̰ ngəʼ ku anjìm isəg ni sò inug tibɔ̀ŋ bəd ane àze anəm.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Mə̀Hibrù 7:27

Mbin tì itog bəd igun bəd mbàn Ŋwiye məjìm yaya nàʼà ighi àfàtì ineg ijìm. Mbɔb ya bì ko nàʼ ighi àfàtì ane ìmbɔb tì inug tibɔ̀ŋ, bɔŋ si nàʼ ighi àfàtì ane inug tibɔ̀ŋ bəd ndəŋ. Chəyi Yeso ya ghi icheg inɔb. Məd ya fə nàʼ àze atog icheg aghi àfàtì ane inug tibɔ̀ŋ bəd məjìm ane ighə̀m imɔʼ.

Mə̀Hibrù 9:13

Mbi yaya nìŋə anəm pɔ̀ŋ tì anəm gwi fɔrɔ aburi ne mbi tɔ̰ ŋwan nyam sàpa igun bəd inug tibɔ̀ŋ. Ane, mbi yaya sò məyi nyɔd abə bəd.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Mə̀Hibrù 9:19

Anyumə̀ ne Muse ya fə mə̀tì mə̀nɔ̀ʼɔ̀ ijìm mbe ne yaʼi inga Àŋwàʼrì Ŋwiye abə bəd məjìm, wì ya niŋ anəm pɔ̀ŋ fɔrɔ anəm gwi nyàmbì inga mənib. Wì ya pà tìtab azed mɔ̀ʼɔ ne mbe kàrà ane hisɔ̀b, nib ndwi bàghi igun, chùb inga anəm ze, si nwìndì igun Àŋwàʼrì Ŋwiye fɔrɔ igun bəd məjìm.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

Mə̀Hibrù 9:7

Si ya gha, à ya məyi atog wə̀d igun bəd mbàn ne tì wì nyi pè inga atog nəb ze anjìm. Wì yaya nyḭ̀yḛ inga məyi ighə̀m imɔʼ igun fituʼ. Chəyi we nyḭ̀yḛ inga ne chəyi anəm ne wì biri chəmni ane inug tibɔ̀ŋ məd fɔrɔ ane inug tibɔ̀ŋ bəd ndəŋ ne mbi ghi abəŋ.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.