Mə̀Hibrù 4:11 - Ikan feg

¹¹ Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Meta’

¹¹ Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Mə̀Hibrù 4:11 ပူးပေါင်းရင်းမြစ်များ

Matìyò 11:12

Ni ko ane nyumə̀ we ne Jɔn gho̰ yaya ghà ikən chɔm yèʼe pè tèchɔ̀ŋ, anug ìfɔ̀n ikaŋ fə zə̰ ngəʼ ka ka, ne à ya bəd ne kìrə ika mbe nyḭ̀yḛ inga.

Matìyò 7:13

Yeso ya chè imbìghè gha, “Mbə̀ nyi inga anug ìfɔ̀n ikaŋ ane inuʼ ikam kwa. Inuʼ ikam kyen fɔrɔ inɔnjì kyen ya we ne ghò inga asiŋi ne bəd biri ku nim. Bəd nɔʼ nɔʼ ya nyḭ̀yḛ inga ìwiwən.

Lk 13:24

“Mbə̀ kirə ika ni nyi ane inuʼ ikam kwa. Si ya gha, mə gha tesiʼ inən gha, bəd ndan ndàn biri ghum kə̀b ni nyi, si ya gha, chəyi tì mbi nyi.

Lk 16:16

Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Ɨ̀fàʼì 26:19

Ane, ifɔn Agripà, chəyi mə̀ ya to̰ ni fàʼ anug ne Anɔŋisəg ya ghà inum inga anatì njə̀m.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Efesùs 5:6

Imbə̀ʼ mbə̰ bḛ awən gha wə̀d mɔ̀ʼɔ tambi awən tì inug ako ka imbə̀ʼ icheg ne Ŋwiye biri gaŋ abə bəd mbe ne ghìyə̀ tìzughə̀ ibo.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Kòlosè 3:6

À ya imbə̀ʼ tiku inug ìto̰ ne Ŋwiye biri gaŋ zì ngəʼ igun bəd mbe ne chəyi mbe zùgrə aməd.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 3:18

Bəd ne Ŋwiye ya ghum zɔ̀m, ghà inɔb gha, chəyi mbi biri nɔ̀ʼ nyi inga asiŋi ze ne Ŋwiye biri nàʼ àzwètì inɔb àkə mə̀we? Imbə̀ʼ à ya bəd mbe ne ya ghi tìzughə̀ ibo?

Mə̀Hibrù 4:6

Anug ze ze kiri chwiyè gha bəd mɔ̀ʼɔ biri nyi inga asiŋi àzwètì ze, ne bəd mbègtog mbe ne ya zughi ikən gho̰ ya sami ni nyi inga imbə̀ʼ icheg ne mbi ya ghì tìzughə̀ abə Ŋwiye.

Mə̀Hibrù 6:11

Tì ya kə̀bə̀ gha wə̀d imɔʼ imɔʼ abɔ̀ʼ inən ya chwìye ikuchèg chɔm gho̰ mà nyumə̀ ijìm ghò pè ane ìnwḭ. Mbə̀ ghiyə ane ni gha ikɔndi we ne tì beri imbə̀ʼ ighi mbe ne tì ya ghɔ̀mɔ̀, chəyi wì biri chè ako.

2 Pità 2:6

Ŋwiye ya bə̀ chìkì bəd mbe a Sodòm tì Gòmorà ane iywid. Inug mbo̰ ya wì yaya chwìye icheg ne ze biri yaʼ abə bəd mbe ne chəyi mbe zùgrə Ŋwiye.