Mə̀Hibrù 3:6 - Ikan feg

⁶ Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Meta’

⁶ Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 3:6 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 16:18

Mə ghà tesiʼ ine gha, Àghò ya Pità. Àghò ya igho we ne mə̀ biri kɔd ifeti bəd Kristo igun. Chəyi ika inga aben iwu bəd biri bèrì ika ni nimni ifeti we.

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

1 Kɔrèn 3:16

Kwàʼ tesiʼ tesiʼ, àkə chəyi mbə̀ kyeri gha ìtən nyàmnyɔd ya mbàn Ŋwiye. Àkə chəyi mbə bə kyèri gha Azwighi Ŋwiye ze chùghə inga ìtən nyàmnyɔd.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

2 Kɔrèn 6:16

Àkə anug zeg ne mbàn Ŋwiye beri tì mə̀ŋwiye? Mba ya mbàn ne Ŋwiye we ne yaʼi izɔm we chùghə inga. Ŋwiye zìye fə ghà gha, “Mə biri chughi tì inɔb bə̀ yèn abɔ̀ʼ inɔb. Mə biri yaʼ ìwɔb Ŋwiye, mbɔb bə̀ yaʼ ìmbum bəd.”

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Efesùs 3:12

Anjìm icheg ne tì yaʼi ane ifɔti tì Kristo fɔrɔ anjìm icheg ne tì nɔŋi ibḛfiŋ igun məd, tì fə bèrì ika ni ghò imbìghè abə Ŋwiye ne chəyi te bɔ.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

1 Tèsàlonikà 5:16

Mbə̀ chughi ane igyendi mà nyumə̀ ijìm.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

1 Timotì 3:15

Mə ya ŋwàʼrà ni gha mə mə̀ tàn ni yeʼe, àghò biri kyeri icheg ne bəd Kristo beri ni fàʼ inug inga ifeti bəd Ŋwiye. Ifeti gho̰ ya ifeti bəd Ŋwiye we ne yaʼi izɔm. Mbɔb nyimi tesiʼ kwàʼ icheg ne ìte fɔrɔ ati nəb mbe bə̀ nyìme nəb.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Mə̀Hibrù 10:19

Ane, ìmbum məfi fɔrɔ ìtum njàbi, tì nyi inga asiŋi ne zḛ mànì inga mbàn Ŋwiye anjìm anəm Yeso ne chəyi te bɔ.

Mə̀Hibrù 10:21

Icheg ne tì beri ijiʼì wə̀d mbàn Ŋwiye ne kyèʼrè nəb Ŋwiye,

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 10:35

Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Mə̀Hibrù 11:1

Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

Mə̀Hibrù 6:11

Tì ya kə̀bə̀ gha wə̀d imɔʼ imɔʼ abɔ̀ʼ inən ya chwìye ikuchèg chɔm gho̰ mà nyumə̀ ijìm ghò pè ane ìnwḭ. Mbə̀ ghiyə ane ni gha ikɔndi we ne tì beri imbə̀ʼ ighi mbe ne tì ya ghɔ̀mɔ̀, chəyi wì biri chè ako.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 4:17

Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?

Ɨnû 2:18

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Tìyàtirà gha, ‹Ìngam gho̰ nɔ̀ʼ abə Ŋwan Ŋwiye we ne aghə məd ze bère icheg inemi iywid, ne tikye ighog məd te zùʼə icheg atə̰ brons ne mbe taŋ tòn.

Ɨnû 2:25

Mbèʼ ze ne mə̀ biri zì igun inən ya məyi gha mbə̀ che imbìghè ni nɔ̀ŋì fìŋ igun inum ghò pè ane nyùmə̀ ne mə̀ biri ywiri yeʼe.

Ɨnû 2:26

Mə biri nàʼ ika ni tùmbì iben ijìm abə wə̀d ne che àkwàʼrì bə̀ se ghìyə̀ inug mbe ne mə̀ kəbi anene ghò pè ane ìnwḭ.

Ɨnû 3:11

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.