Mə̀Hibrù 2:10 - Ikan feg

¹⁰ Ze ya kòʼi abə Ŋwiye we ne ya tangi ighi ijìm, ne bə̀ nɔ̀ŋɔ̀ ighi ijìm, gha Yeso bɔŋɔ mànì anjìm ngəʼ ne wì ya zə̰. Ŋwiye ya ghì ane ni niŋ bəd ndan ndàn mbi si yaʼ inga ìzḛzḛ ne njàndi njandi tì məd. Yeso ya wə̀d we ne pùmnə awɔb.

Meta’

¹⁰ Ɨ ghɨ ni mbɨ wumnɨ bə̂d mɨ̀sɔŋɨchù ɨchî nɨ mbɨə wumnɨ əməd, zɨ̀ ə nyaʼa kùʼ ni Ŋwìə̀ ghɨ ni wə̀d we nɨə chɨ̀ə̀ bə̂d rəŋgəʼ bɔŋ ə màànɨ̀ ɨchî nɨ wɨ̀ nyaʼa zə ŋgəʼ. À yɨə Ŋwìə̀ nyaʼa tekɨ ɨghɨjìm, ɨghɨjìm mbɨə bə̀ əŋgu ənjìm məd.

Mə̀Hibrù 2:10 ပူးပေါင်းရင်းမြစ်များ

Lk 13:32

Yeso ya ywìtì inɔb gha, “Mbə̀ gho ghà abə àchɔb ze gha, ‹Mə ya chìyè izwighi tibɔ̀ŋ inga bəd bə̀ ghùyə̀ ighɔn ane bəd tèchɔ̀ŋ fɔrɔ isu. Ane ineg itad, mə mànì àmə àfàʼì.›

Lk 2:14

“Ighumni yaʼ abə Ŋwiye ikaŋ àbɔ̀ŋɔ, àbɔrɔ̀bɔd yaʼ abə bəd mbe ne məd gyḛ igun isəg.”

Lk 24:26

Àkə chəyi Wə̀d we ne Ŋwiye zɔ̀ʼi koʼi ni zən ngəʼ ìzo̰ ijìm bɔŋ nyi inga anug ìfɔ̀n ìzḛzḛ məd?”

Lk 24:46

Wì ya si ghà inɔb gha, “Aŋa ya anug ne Àŋwàʼrì Ŋwiye gha, Wə̀d we ne Ŋwiye zɔ̀ʼi biri zə̰ ngəʼ, ku, si zwème igun aneg ne pè ane itad.

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 19:30

Anyumə̀ ne Yeso ya sɔri mənoʼ ŋwàŋi mbe, wì ya gha, “Ze fə mèg.” Wì ya gha ane, si gùndi atog aseg, Ŋwiye niŋ azwighi məd.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

1 Kɔrèn 2:7

Tì ya ghàmà yaʼ ane iwe we ne Ŋwiye we nàʼà. Iwe we ya yaʼ inə̀mbi. À ya iwe ne bɔŋ Ŋwiye ya se tànga isəg, məd ya fə nɔŋi ni nàʼ ina. Wì ya ghì ane ni gha tì beri ighumni.

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

2 Kɔrèn 5:18

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà.

2 Kɔrèn 6:18

“Mə biri yaʼ Mbaʼ inən, mbə̰ si yaʼ ìmbum bɔn mbaŋà tì ìmbum bɔn àyi. Aŋa ya anug ne Anɔŋisəg Ŋwiyekɔʼ gha.”

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 3:10

Wì ya ghì ane ni gha, amad anìŋ, anjìm ifeti bəd Kristo, izwighi ka ka mbe ne yaʼi ikaŋ fɔrɔ ìmbɔb məfɔn mbe tì mbi bàd iwe Ŋwiye ane tinɔnjì nɔʼ nɔʼ.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 6:20

Yeso ya fə ghò ina imbìghè nyi inga asiŋi ze ane ìwa ighəm. Məd ya se atog wə̀d igun bəd mbàn Ŋwiye ne fàʼà ina ane ighə̀m imɔʼ, ne du ane iwaŋ Mèkisedèg.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

Mə̀Hibrù 7:28

Mə̀nɔ̀ʼɔ̀ Muse ya ghìyə̀ mbi chɔʼɔ atog wə̀d igun bəd mbàn Ŋwiye ne tì mbi gùg inug icheg mə̀mbin. Anug ze ne Ŋwiye ya zɔ̀mi ya si yèʼe yaʼ anjìm. Ŋwiye ya chɔʼ Ŋwan məd bə̀ ghì wì bɔŋ mànì ane ighə̀m imɔʼ.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

Ɨnû 4:11

“Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.