Mə̀Hibrù 12:28 - Ikan feg

²⁸ Ane, icheg ne te nìŋə anug ìfɔ̀n ne chəyi tì aghi mɔ̀ʼɔ ghì ze ghùd, tì ya nàʼà məyakà abə Ŋwiye bə̀ se ghùmnə aməd ane icheg ne koʼi. Tì ya ghùmnə ane nè bɔ Ŋwiye inga ìta fìŋ.

Meta’

²⁸ Əne tɨ̀ naʼ məben-əwe əmbɨ ə Ŋwiə̀ ɨchî nɨ tɨ̀ berɨ ənû ɨfɔ̀n nɨ chəi ənɨ tɨ̀ mbɨ ghɨ̀ zɨə wùd. Tɨ̀ wumnɨ ə Ŋwiə̀ ɨchî nɨ bɔŋ ɨ bɔ. Tɨ̀ wumnɨ əməd bə̀ bɔ əməd,

Mə̀Hibrù 12:28 ပူးပေါင်းရင်းမြစ်များ

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Lk 1:33

Məd biri yaʼ ifɔn igun aghaŋ inəbi àzi Jàkɔb ane ighə̀m imɔʼ. Chəyi anug ìfɔ̀n məd biri nɔʼ nwḭ̀yḛ̀.”

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Efesùs 1:6

Ane, tì ghumni Ŋwiye ane ìchɔ̀mì kyen məd we ne wì nàʼi ina abu abu anjìm Ŋwan məd we ne wì kɔ̀ŋi.

Efesùs 5:10

Mbə̀ kirə ika ni kyeri aghi ne bɔŋi abə Anɔŋisəg bə̀ fàʼ àzewən.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Mə̀Hibrù 10:19

Ane, ìmbum məfi fɔrɔ ìtum njàbi, tì nyi inga asiŋi ne zḛ mànì inga mbàn Ŋwiye anjìm anəm Yeso ne chəyi te bɔ.

Mə̀Hibrù 13:15

Ane, tì che anjìm Yeso ghì gha inug mbe ne dùwə̀ ina ichug, mbi ya nàʼà ighumni abə Ŋwiye ane aghəm ajìm icheg àza aghi àfàtì ne ghumnə ikum Ŋwiye.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.

1 Pità 2:20

Ze kə wètè awe iye anyumə̀ ne àghò gùghi anug, mbi chə awe, àghò nyìʼ fìŋ? Mbi mə̀ chə wə̀d ne ghi anug chɔm, wì nyìʼ fìŋ, Ŋwiye biri zì àbɔrɔ̀bɔd igun məd.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

Ɨnû 1:6

Wì ya chɔʼ awa ane məfɔn bə̀ fɔrɔ ane bəd àfàʼì inga anug ìfɔ̀n Ŋwiye. Wì ya ghì ane ni gha tì se fàʼà abə Ŋwiye ne bə yaʼ Mbaʼ məd. Tì ghumni Yeso Kristo ne beri ika ni tùmbì isəg kwàʼ ane ighə̀m imɔʼ! À ya ane.

Ɨnû 15:4

O Anɔŋisəg! Àkə we ne chəyi wì biri bɔ awe? Àkə we ne chəyi wì biri ghumni awe? À ya məyi àghò tèzìʼì ne zḛ. Bəd inga iben ijìm biri yeʼe se ghùmnə awe ine imbìghè imbə̀ʼ icheg ne àghò fə ghì wə̀d ijìm bàd ìmbe ìfàʼì ne təm kòʼ.”

Ɨnû 5:10

Àghò fə ghì mbɔb si yaʼ bəd mbàn ne fàʼà inga àze anug ìfɔ̀n, imbə̀ʼ ni mbi faʼa abə ìwa Ŋwiye. Àghò fə bə̀ ghì gha mbɔb biri tùmbì isəg.”