Mə̀Hibrù 12:25 - Ikan feg

²⁵ Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Meta’

²⁵ Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 12:25 ပူးပေါင်းရင်းမြစ်များ

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 8:4

Yeso ya si ghà ibo gha, “Nḛ, imbə̀ʼ àghò gha awe anug ne du abə wə̀d mɔ̀ʼɔ. ndò chwi ìwe nyɔd yaʼ abə wə̀d mbàn Ŋwiye. Àghò bə nàʼ ighi mbe ne Muse ya gha gha bəd mənyìʼ ya nàʼà ni chwi aneni gha àwàrikə̀m fə mèg igun ine.”

Ɨ̀fàʼì 7:35

Aŋa ya Muse we ne mbi ya to̰ awɔb məd, bìri ibo gha, ‹Àkə we chɔʼi awe ane wə̀d ne sàʼa awa?› Ŋwiye ya tɔm aməd gha wì yaʼ wə̀d ne sàʼa mə̀Izre, bə̀ yaʼ wə̀d ne Ŋwiye nìŋi ni chì awɔb inga ngəʼ anjìm angirə̀ we ne ya du ibo inga ajuŋi agyen ze.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

2 Timotì 4:4

Bəd biri to̰ awɔb ni ya zùghə tesiʼ, si bə̀ŋə̀ ghò se zùghə tìmùghì twaŋi.

Mə̀Hibrù 1:1

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

Mə̀Hibrù 12:19

Chəyi mbə̀ zughi gì tàŋ. Chəyi mbə̀ zughi gì ne tɔ ne bəd ne zùghə mbe to̰ awɔb gha imbə̀ʼ gì ze ywiri ghàm yi inɔb.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 3:17

Bəd ne Ŋwiye ya gaŋi inɔb ane tituʼ ìghum ikwè kə mə̀we? Imbə̀ʼ à ya bəd mbe ne ya ghi inug tibɔ̀ŋ, ku, ìmbɔb iwu bə̀ tḛ inga ibad zɔbi?

Mə̀Hibrù 8:5

Inug mbe ne mbɔb mbe fàʼà icheg bəd mbàn Ŋwiye ya icheg afugri fɔrɔ icheg àzìŋə ane inug mbe ne yaʼi ikaŋ àbɔ̀ŋɔ. Aŋa ya aton ze ne Ŋwiye ya pati Muse anyumə̀ ne Muse yaya se nḛ ni kɔd Azuŋ Ŋwiye. Ŋwiye ya ghà ibo gha, “Àghò niŋ nyumə̀ ni tangi ighi ijìm kwàʼ icheg ne mə̀ ya chwi ine ikaŋ iwum.”

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 22:9

Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì icheg ine. Mo ya icheg ìmbe məfi mbe ne yaʼi bədkə̀n Ŋwiye bə̀ fɔrɔ icheg bəd mbe ne zùgrə inug mbe ne yaʼi inga àŋwàʼrì azo̰. Àghò ghumni yaʼ Ŋwiye!”