Mə̀Hibrù 12:24 - Ikan feg

²⁴ Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Meta’

²⁴ Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 12:24 ပူးပေါင်းရင်းမြစ်များ

Matìyò 23:35

Ane, anəm bəd mbe ne təmi kòʼ ne mbi zweti igun isəg aŋa biri nyi igun inən, ni ko ane anəm àze Abè ghò pè ane anəm àze Zàkàriyà, ŋwan Bèrekìyà we ne mbə̀ ya zweti inga ìsàn asiŋi ighumni tì ikwijə̀ŋ àfàtì.

Matìyò 26:28

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Mk 14:24

Wì ya ghà inɔb gha, “Aŋa ya àmə anəm ne Ŋwiye fə niŋi sɔb ikan feg tì inən. Anəm azo̰ ya anəm ne mə̀ tuti imbə̀ʼ bəd nɔʼ nɔʼ.

Lk 11:51

Ane, anəm ze biri ko kwàʼ ane àzi Abè ghò pè ane àze Zàkàriyà we ne mbi ya zweti kwàʼ inga ìsàn ikwijə̀ŋ àfàtì tì asiŋi zḛ zḛ. E! Mə ghà inən gha, anəm ze biri yaʼ igun atog abə ikəri bəd gho̰.

Lk 22:20

Anyumə̀ ne mbi ya jəghi, wì ya bə̀ niŋ itoʼ mənoʼ ze, si gha, “Itoʼ ìzo̰ ya ikan feg ne Ŋwiye wàri tì inən ane àmə anəm ze ne tuyə imbə̀ʼ awən.

Gàlesìyà 3:20

Wə̀d ne tə̀mə inga ìsàn ya yàʼa anyumə̀ ne bəd yaʼi məbe. Chəyi Ŋwiye ya nɔŋi wə̀d mɔ̀ʼɔ gha wì təm inga ìsàn anyumə̀ ne wì ya kàʼi anug ze. Ŋwiye ya ghàm zìye zìye imbə̀ʼ icheg ne Ŋwiye ya məyi imɔʼ.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 11:28

À ya ibḛfiŋ ya ghi Muse ghà abə mə̀Ju gha mbe nɔŋɔ Iteri Chègun, bə̀ zɔʼ anəm nyam igun atog akɔŋi. Mbi ya ghì ane ni gha chəyi Angirə̀ we ne yaya zwète fɔ̀d bɔn mbaŋà biri zweti fɔ̀d bɔn mbaŋà abə mə̀Ju.

Mə̀Hibrù 11:4

À ya anjìm ibḛfiŋ ne Abè ya nàʼi aghi àfàtì ne bɔŋi chè àze ne Ken ya nàʼi. À ya anjìm ibḛfiŋ ìwi Abè ne Ŋwiye ya gha məd ya wə̀d ne təmi kòʼ anyumə̀ we ne Ŋwiye ya gha, aghi àfàtì məd kòʼ. Ka Abè ya jiʼì ku yi, anjìm ibḛfiŋ məd, məd we kiri ghàmà.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Mə̀Hibrù 7:22

Icheg ne Ŋwiye ya zɔ̀mi ane, Yeso fə ghì gha Ŋwiye wara ikan tì ina ne bɔŋi chè.

Mə̀Hibrù 8:13

Icheg ne Ŋwiye kàri ikan gho̰ ane ikan feg, ze chwi gha nyùmə̀ ikan mbègtog fə chè. Aghi ze ne nyùmə̀ məd fə che, ze fə nùn. Ze biri bə zàmbi nim.

Mə̀Hibrù 8:6

Ane, àfàʼì ze ne Ŋwiye nàʼi abə Yeso ya àfàʼì ne che àze bəd mbàn Ŋwiye. À ya bə̀ icheg ne məd təmi inga ìsàn abə Ŋwiye tì bəd Ŋwiye chùʼri ikan ne faŋi chè ikan nun. Ikan we təm igun inug mbe ne bɔŋ chè, ne Ŋwiye ya kàʼi.

Mə̀Hibrù 8:8

Si ya gha, Ŋwiye ya bàd anug mɔ̀ʼɔ ne bə tì bəd məd. Ane, wì ya si gha, “Mə ghà inən gha, nyùmə̀ we yèʼe ne mə̀ biri sɔb ikan feg tì mə̀Izre fɔrɔ məJudà.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Mə̀Hibrù 9:19

Anyumə̀ ne Muse ya fə mə̀tì mə̀nɔ̀ʼɔ̀ ijìm mbe ne yaʼi inga Àŋwàʼrì Ŋwiye abə bəd məjìm, wì ya niŋ anəm pɔ̀ŋ fɔrɔ anəm gwi nyàmbì inga mənib. Wì ya pà tìtab azed mɔ̀ʼɔ ne mbe kàrà ane hisɔ̀b, nib ndwi bàghi igun, chùb inga anəm ze, si nwìndì igun Àŋwàʼrì Ŋwiye fɔrɔ igun bəd məjìm.

Mə̀Hibrù 9:21

À ya bə̀ ane ne Muse ya nwìndi anəm igun Azuŋ Ŋwiye fɔrɔ igun ighi ijìm mbe ne mbi yaya ghùmnə Ŋwiye inga.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.