Mə̀Hibrù 11:6 - Ikan feg

⁶ Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Meta’

⁶ Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Mə̀Hibrù 11:6 ပူးပေါင်းရင်းမြစ်များ

Matìyò 11:26

E! Ìmə Mbaʼ, à ya icheg ne àghò kə̀bi gha ze yaʼ.

Matìyò 5:12

Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 6:33

Mbə̀ fə bi kə̀b yaʼ anug ìfɔ̀n məd bə̀ ya ghìyə̀ inug ne koʼi, ane wì biri si nàʼ ighi mbo̰ ijìm inən.

Matìyò 6:5

Yeso ya chè imbìghè gha, “Anyumə̀ ne mbə̰ mbe chàʼrà Ŋwiye, imbə̀ʼ mbə̰ ghiyə awən icheg bəd ne bèmnè inug. Mbɔb ya kɔ̀ŋɔ̀ ni təm inga məchamì Ŋwiye fɔrɔ iban inɔnjì bɔŋ se chàʼrà Ŋwiye. Mbɔb ya ghìyə̀ ane məyi ni gha bəd bara awɔb. Mə gha tesiʼ inən gha, mbi fə bèrì ìzɔb chùd.

Mk 16:17

Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Lk 12:31

Anyumə̀ ne mbə̀ zi fìŋ yaʼ ane anug ìfɔ̀n məd, wì biri nàʼ ighi mbo̰ ijìm inən.

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 8:24

À ya aton ne mə gha inən gha, ìmbən inug tibɔ̀ŋ biri zweti awən. Àmə chəyi mbə bḛ gha mo ya wə̀d we ne mə̀ yaʼi ìwiwən, ìmbən inug tibɔ̀ŋ biri zweti awən.”

Rm 10:14

Si ya gha, mbi kə ghi chè iye ni kàrì aməd gha wì pumnə awɔb ne chəyi mbi nɔŋi ibḛfiŋ igun məd? Mbi kə bə̀ nɔŋi ibḛfiŋ igun məd iye ne chəyi mbi ya kweʼì zug anug mɔ̀ʼɔ imbə̀ʼ aməd? Mbi kə ghi chè iye ni zug anug mɔ̀ʼɔ imbə̀ʼ aməd ne chəyi wə̀d mɔ̀ʼɔ ne ya ghò chètì ikən chɔm inɔb imbə̀ʼ aməd?

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 4:2

Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

Mə̀Hibrù 4:6

Anug ze ze kiri chwiyè gha bəd mɔ̀ʼɔ biri nyi inga asiŋi àzwètì ze, ne bəd mbègtog mbe ne ya zughi ikən gho̰ ya sami ni nyi inga imbə̀ʼ icheg ne mbi ya ghì tìzughə̀ abə Ŋwiye.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

2 Pità 1:5

Icheg ne Ŋwiye fə ghi inug mbo̰ ina, mbə̀ kirə ika ni ya ghìyə̀ inug chɔm icheg mbə̀ fə nɔŋi ìtən ibḛfiŋ igun Ŋwiye. Icheg ne mbə̰ mbe ghìyə̀ inug chɔm, mbə̀ bə kirə ika ni taŋ kyeri inug imbə̀ʼ Ŋwiye.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”