Mə̀Hibrù 11:1 - Ikan feg

¹ Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Meta’

¹ Ɨbenɨ yɨ nɨ kyerɨ ni tɨ̀ bɨrɨ berɨ ɨghɨ mbe nɨ tɨə wòmə̀. À yɨ bə̀ nɨ kyerɨ ni tɨ̀ bɨrɨ berɨ ɨghɨ mbe nɨ chəi tɨə zəə.

Mə̀Hibrù 11:1 ပူးပေါင်းရင်းမြစ်များ

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

1 Kɔrèn 13:13

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

2 Kɔrèn 11:17

Tesiʼ ya gha, anug azo̰ ne mə ghàmà amad anìŋ ya kayi anug ne Anɔŋisəg gha inum gha mə ghama. Ane anug ni kɔ̀m igo, mə ya ghàmà kwàʼ icheg anen.

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

2 Kɔrèn 5:7

Aghi ne nɔ̀ŋɔ̀ awa ya ibḛfiŋ, kayi ighi mbe ne te bàrà.

2 Kɔrèn 9:4

Bəd Kristo mɔ̀ʼɔ mə̀ nɔ̀ʼ a Màsèdonìyà yèʼe pè bàd gha chəyi mbə kiri chuʼri ìwən nyɔd, ze biri yàʼ tìnìrètog ina imbə̀ʼ icheg ne tì fə nɔŋi ìta fìŋ ijìm igun inən. Chəyi mə̀ kə̀bi ni ghàm imbə̀ʼ tìnìrètog ni mbə̰ inən biri bə bèrì.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 10:39

Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Mə̀Hibrù 11:27

À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.