Mə̀Hibrù 10:36 - Ikan feg

³⁶ Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Meta’

³⁶ Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 10:36 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 12:50

Tesiʼ ya gha, wə̀d ne fàʼà inug icheg ne ìmə Mbaʼ ne yaʼi ikaŋ àbɔ̀ŋɔ kə̀bi, tengàŋ ya ìmə ifi tì ìmə njàbi fɔrɔ ìmə ngɔb.”

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 7:21

Yeso ya ghà ywìrì ghà inɔb gha, “Kayi wə̀d ijìm ne kàrà amə gha, ‹Anɔŋisəg! Anɔŋisəg!› biri nyi inga anug ìfɔ̀n ikaŋ. À ya məyi bəd mbe ne fàʼà inug mbe ne ìmə Mbaʼ ikaŋ àbɔ̀ŋɔ kə̀bi ne biri nyi inga anug ìfɔ̀n məd.

Mk 3:35

Wə̀d ne ghìyə̀ anug ze ne Ŋwiye kə̀bi ya ìmə ifi, tì ìmə njàbi bə̀ fɔrɔ ìmə ngɔb.”

Lk 21:19

Mbə̰ mə̀ nyìʼ inug mbo̰, mbə biri jəg ìtḛ̀.”

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Jn 7:17

Wə̀d mɔ̀ʼɔ mə̀ nɔ̀ŋì ìzi fìŋ ni fàʼ anug ne Ŋwiye kə̀bi, tengàŋ biri kyeri gha, inug mbe ne mə chwìte kə̀ nɔʼ abə Ŋwiye kə̀ àkə ìmbum?

Ɨ̀fàʼì 13:22

Anyumə̀ ne Ŋwiye ya swi Sɔl chì igun atən, wì ya nɔ̀ŋì Dèvid ane ifɔn. Wì ya ghà imbə̀ʼ Dèvid gha, ‹Mə fə bàd gha Dèvid, ŋwan Jesè, ya wə̀d we ne mə̀ taŋ kɔ̀ŋ. Wì biri ghì inug ijìm mbe ne mə̀ kəbi.›

Ɨ̀fàʼì 13:36

Anyumə̀ ne ifɔn Dèvid yaya kiri izɔm, wì ya ghì inug mbe ne Ŋwiye ya kə̀bi gha wì ghiyə. Wì ya ku mbi twəŋi aməd abɔ̀ʼ ìmba mə̀mbaʼ aneg. Ane, wì ya bɔb.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 8:25

Àmə yaʼ aghi ne tì nɔŋi ikɔndi ni ghɔ̀m aghi ne chəyi tì kiri beri, tì biri nyimbi fìŋ ni ghɔ̀m.

1 Kɔrèn 13:7

Àkɔ̀ŋì ya kə̀bə̀ gha bəd ya nyìmbe fìŋ ane inug ijìm. Àkɔ̀ŋì ya ghìyə̀ gha bəd ya bḛ anug ne bəd ndəŋ mbe ghà. Àkɔ̀ŋì ya ghìyə̀ gha bəd ya nɔ̀ŋɔ̀ ikɔndi ghɔ̀mɔ̀ inug ijìm ne mbɔb zi ibḛfiŋ igun. Àkɔ̀ŋì ya bə̀ ghìyə̀ gha bəd bere inyìʼfiŋ ghò pè ane ìnwḭ.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Efesùs 6:6

Imbə̀ʼ mbə̰ ghumni awən awɔb məyi anyumə̀ ne mbɔb mbe nḛ̀ awən, ni ghì gha mbɔb ya gyènde tì inən. Mbə̀ ya ghìyə̀ ane ane ìzən fìŋ ijìm icheg ìbòʼì abə Kristo ne ghìyə̀ inug ne Ŋwiye kɔ̀ŋi.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

Kòlosè 3:24

Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

Mə̀Hibrù 11:39

Ŋwiye ya niŋ bəd mbo̰ məjìm gha mbɔb kòʼ anjìm ìwɔb ibḛfiŋ, si ya gha, chəyi wə̀d mɔ̀ʼɔ abɔ̀ʼ inɔb ya jəghi anug ze ne Ŋwiye ya kàʼi.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

Mə̀Hibrù 6:17

Ŋwiye ya kə̀b ni chwi abə bəd mbe ne wì ya kàʼi anug inɔb gha chəyi wì biri kɔpi ìzi fìŋ. À ya aton ne wì ya ghàmi, zɔ̀m ane ìwi ikum.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

1 Pità 1:9

Icheg ne mbə̀ fə nɔŋi ibḛfiŋ igun məd, Ŋwiye biri pumni awən.

1 Jɔn 2:17

Isəg ijìm fɔrɔ ighi ijìm mbe ne bəd inga isəg kɔŋi ya chè yi che. Àsi wə̀d we ne fàʼà yaʼ anug ne Ŋwiye kə̀bi, tengàŋ biri jəg ìtḛ̀ ighə̀m imɔʼ.

Ɨnû 13:10

Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.

Ɨnû 14:12

Ane ya gha, bəd Ŋwiye bèrì ni nyìʼ. Mbe bèrì ni nɔ̀ŋì mə̀nɔ̀ʼɔ̀ Ŋwiye bə̀ bèrì ni nɔ̀ŋì fìŋ igun Yeso.