Mə̀Hibrù 10:34 - Ikan feg

³⁴ Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Meta’

³⁴ Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Mə̀Hibrù 10:34 ပူးပေါင်းရင်းမြစ်များ

Matìyò 19:21

Yeso ya ywìtì ibo gha, “Àghò mə kə̀b ni bɔ̀ŋ mànì, ndò gho fèn ìmbe ighi ijìm, nàʼ ikab abə bəd ne chəyi àzɔb, àghò biri si taŋ bèrì ighi ikaŋ àbɔ̀ŋɔ. Àghò mə mànì ni ghì ane, si yèʼe bèni abɔ̀ʼ inum.”

Lk 10:42

Aghi amɔʼ ze angu ne àghò kòʼi ni bèrì. À ya àzewən ze ne Mèri fə də̀bi. Ane, chəyi tì mbi ywìrì niŋ ibo.”

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 9:25

Wə̀d kə mə̀ bèrì ighi ijìm igun isəg aŋa si sam ìwi ìtḛ̀, chùd ne angu àkə azeg?

Ɨ̀fàʼì 21:33

Wə̀d kyen mə̀sogyì we ya swiʼi ghò gwì Pɔl, si ghà gha, mbe kɔd aməd ane mə̀chen məbe. Wì ya ghà ane, si bìri abə inɔ̰ bəd we gha, “Wə̀d gho̰ kə we? Wì kə gùg anug iye?”

Ɨ̀fàʼì 28:20

À ya aton ne mə ghà gha mbə̀ yeʼe mə̀ bàd awən, bə̀ ghàmbì tì inən imbə̀ʼ icheg ne à ya imbə̀ʼ Wə̀d we ne mə̀Izre nɔŋi ikɔndi ni ghɔ̀m, ne mbi kɔri amə ane mə̀chen mbo̰.”

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 6:20

À ya imbə̀ʼ icheg ne mə təmi ane ikum Anɔŋisəg ni ghà ikən chɔm gho̰ ne mə̀ yaʼi inga nəb ndəŋ . Mbə̀ chaʼra Ŋwiye inum gha, mə̀ ya ghà ikən chɔm gho̰ kwàʼ icheg ne mə̀ koʼi ni ghà ne chəyi mə bɔ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

1 Timotì 6:19

Mbɔb mə̀ ya ghìyə̀ inug mbo̰, nji mbɔb fə zèg ati nəb ne ka ane ighi mbe ne mbɔb biri bèrì inga nyùmə̀ isəg we ne yèʼe. Mbɔb biri bə jəg ìtḛ̀ we ne yaʼi ìtḛ̀ tesiʼ.

2 Timotì 1:16

Anɔŋisəg Yeso bere àsɔ̀mnəfiŋ igun bəd mbe ne yaʼi inga nəb ìzi Ònèsìforùs imbə̀ʼ icheg ne məd ya nəri amə. Chəyi məd ya beri tìnìrètog imbə̀ʼ amə icheg ne mə̀ yaʼi inga nəb ndəŋ .

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 11:16

Ane, mbɔb yaya kə̀bə̀ yaʼ aben ze ne taŋ bɔŋ chè, aben ne yaʼi ikaŋ àbɔ̀ŋɔ. À ya aton ne chəyi Ŋwiye we bèrè tìnìrètog anyumə̀ ne mbɔb mbe kàrà aməd ane ìwɔb Ŋwiye. À ya ane imbə̀ʼ icheg ne Ŋwiye ya fə tangi aben kyen nɔ̀ŋì inɔb.

Mə̀Hibrù 13:14

Icheg ne chəyi tì beri aben ne yaʼi ane ighəm imɔʼ igun isəg gho̰, tì ya nḛ̀ imbìghè ni ghò nyi yaʼ inga aben feg ze ne yèʼe.

Mə̀Hibrù 13:3

Mbə̀ ya kɔ̀ndɔ bəd mbe ne yaʼi inga nəb ndəŋ kwàʼ icheg ni gha mbə̰ ya bə̀ inga nəb ndəŋ tì inɔb. Mbə̀ ya bə̀ kɔ̀ndɔ bəd mbe ne mbe chə awɔb kwàʼ icheg ni gha mbə̰ ya bə̀ inga ngəʼ tì inɔb.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

1 Pità 1:4

Anug azo̰ fə bə̀ ghì gha tì jəg ighi mbe ne wì nɔŋi ikaŋ àbɔ̀ŋɔ abə ìmbi bəd. Ŋwiye fə nɔ̀ŋì ighi mbe ikaŋ àbɔ̀ŋɔ asiŋi ne chəyi mbi biri nɔʼ bɔb kə̀ bə kə̀ kɔ̀pɔ.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.