Mə̀Hibrù 10:24 - Ikan feg

²⁴ Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin.

Meta’

²⁴ Tɨ̀ kɔndɨ ɨchî nɨ timbɨ əwa mbǎ mbǎ, ɨmbə̀ʼ tɨ̀ ghaʼ a ɨnyod bə̀ sɨə ghɨ̀ ɨnû chɔ̀m.

Mə̀Hibrù 10:24 ပူးပေါင်းရင်းမြစ်များ

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Rm 11:4

Ŋwiye ya ywìtì abə Èlayijà gha? Wì ya ghà ibo gha, “Mə fə nɔ̀ŋì ìmbum bəd chuʼ ìsàmbe ne chəyi mbi kiri ghumni ŋwiye we ne mbe kàrà ane Bal.”

Rm 12:15

Mbə̀ ya gyènde tì bəd ne gyènde bə̀ sɔ̀mnɔ̀ tì bəd ne sɔ̀mnɔ̀.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

2 Kɔrèn 8:8

Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Tèsàlonikà 5:11

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

2 Tès 3:9

Kayi gha chəyi tì ya kòʼi ni biri àwètì inən. Tì yaya ghìyə̀ ane ni gha mbə̀ bara bə̀ se fàʼà icheg ne te fàʼà.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Tayitùs 2:4

Mbɔb mə̀ ghì ane, mbɔb biri chwiti abə kàŋ mə̀yi bɔd gha mbe ya kɔ̀ŋɔ̀ ìmbɔb mənɔm tì ìmbɔb bɔn.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 13:1

Mbə̀ che imbìghè ni ya kɔ̀ŋɔ̀ wə̀d imɔʼ imɔʼ icheg ne məfi mbe kɔ̀ŋɔ̀ ìtɔb nyàmnyɔd.

Mə̀Hibrù 13:3

Mbə̀ ya kɔ̀ndɔ bəd mbe ne yaʼi inga nəb ndəŋ kwàʼ icheg ni gha mbə̰ ya bə̀ inga nəb ndəŋ tì inɔb. Mbə̀ ya bə̀ kɔ̀ndɔ bəd mbe ne mbe chə awɔb kwàʼ icheg ni gha mbə̰ ya bə̀ inga ngəʼ tì inɔb.

Mə̀Hibrù 3:13

Ane, Tèchɔ̀ŋ, mbə̀ ya nə̀rə ìtən fiŋ mbə̰ mbə̰ ineg ijìm. Mbə̀ ghiyə ane ni gha chəyi anug tibɔ̀ŋ mɔ̀ʼɔ biri tambi awən si ghì ìtən fìŋ tu.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.