Lk 9:51 - Ikan feg

⁵¹ Ane nyùmə̀ ya se tìnde abə Ŋwiye ni ghì gha Yeso yeʼe ikaŋ, Yeso ya nɔ̀ŋì inga fìŋ ni ghò a Jèrusalèm.

Meta’

⁵¹ Ənɨ ɨni nyaʼa sɨə tiinə nɨ Ŋwìə̀ nyaʼa wo nɨŋ ə Yeso ɨkaŋ, wɨ̀ nyaʼa nuŋ ɨŋga i fîŋ ni tə berɨ wo ə Jèrusalèm.

Lk 9:51 ပူးပေါင်းရင်းမြစ်များ

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Lk 12:50

Si ya gha, mə bèrì mənib mɔ̀ʼɔ ni niŋ. Chəyi ìmə fìŋ biri chughi ane àbɔrɔ̀bɔd anene mə niŋ mənib mbe.

Lk 13:22

Yeso ya nɔ̀ʼ ni ghò a Jèrusalèm, yḛ̀ nè chwìte inug chè inga isiŋi kwa kwa fɔrɔ isiŋi kyen kyen.

Lk 17:11

Icheg ne Yeso yaya ghò a Jèrusalèm, wì yaya yḛ̀ igun inɔnjì we ne ghàpi Sàmarìyà tì Galìli.

Lk 18:31

Yeso ya kàrì bədtɔm məd mbe ìghum chɔ̀b ibe ghò iban, si ghà inɔb gha, “Tì ya anìŋ kɔ̀ʼɔ ghò a Jèrusalèm. Inug ijìm mbe ne bədkə̀n Ŋwiye ya ŋwàʼrì imbə̀ʼ Ŋwan Wə̀d biri dù.

Lk 19:11

Bəd mbe yaya zwère anug ne Yeso we ghà, wì si chè imbìghè ni ghàm ìngam məgri inɔb. Wì ya ghàm ìngam məgri gho̰ imbə̀ʼ icheg ne wì yaya si iban Jèrusalèm, fɔrɔ imbə̀ʼ icheg ne bəd yaya kɔ̀ndɔ gha anug ìfɔ̀n Ŋwiye ze se yeʼe kwàʼ ati.

Lk 19:28

Anyumə̀ ne Yeso ya màni ni ghà inug mbo̰, wì ya chè imbìghè ni kɔʼ ghò a Jèrusalèm.

Lk 24:51

Icheg ne wì yaya zìyè àbɔrɔ̀bɔd igun inɔb ane, Ŋwiye ya niŋ aməd ikaŋ àbɔ̀ŋɔ.

Lk 9:57

Icheg ne Yeso tì mə̀mə̀nənùg yaya yḛ̀ igun inɔnjì, wə̀d mɔ̀ʼɔ ya ghà ibo gha, “Isiŋi ijìm ne àghò ya ghò, mə biri beni abɔ̀ʼ ine.”

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 16:5

Yeso ya ywìrì ghà abə mə̀mə̀nənùg məd gha, “Amad anìŋ, mə̀ ya se ghò amə abɔ̀ʼ wə̀d we ne ya cha amə. Ane, chəyi wə̀d mɔ̀ʼɔ abɔ̀ʼ inən ne biri inum gha, ‹Àghò kə ghò aya?›

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 6:62

Mbə̀ kə ghum si ghì iye anyumə̀ ne mbə̀ bari Ŋwan Wə̀d we ghò yi ikaŋ, asiŋi ze ne wi yaya bè angu?

Ɨ̀fàʼì 1:2

Mə ya mə̀tì inug mbe anene ghò pè ane aneg ze ne Ŋwiye ya niŋi aməd ikaŋ àbɔ̀ŋɔ. Bɔŋ Yeso ya se ghò ikaŋ, wì ya fə bì chè anjìm Azwighi Ŋwiye nàʼ tikə abə bədtɔm mbe ne wì ya chɔʼi.

Ɨ̀fàʼì 1:9

Anyumə̀ ne wì ya màni ni ghàm ane, Ŋwiye ya niŋ aməd ikaŋ àbɔ̀ŋɔ kwàʼ imbìghè abə mə̀mə̀nənùg məd. Icheg ne mbɔb yaya nḛ̀ məd, pàʼ mɔ̀ʼɔ ya si kən awɔb ni gha imbə̀ʼ mbi ywiri bàd awɔb məd.

Efesùs 1:20

we ne ya ghi Kristo zwème ane iwu, si chùghi ikaŋ àbɔ̀ŋɔ aba abo jəghi Ŋwiye.

Fìlipì 3:14

Mə we kìrə ika ni chè imbìghè ni zən gha mə beri ineʼi we ne yaʼi imbìghè ne Ŋwiye ya kàʼi inum gha mə biri bèrì ikaŋ àbɔ̀ŋɔ icheg ne mə̀ yaʼi ane ifɔti tì Yeso Kristo.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 6:20

Yeso ya fə ghò ina imbìghè nyi inga asiŋi ze ane ìwa ighəm. Məd ya se atog wə̀d igun bəd mbàn Ŋwiye ne fàʼà ina ane ighə̀m imɔʼ, ne du ane iwaŋ Mèkisedèg.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.