Lk 8:15 - Ikan feg

¹⁵ Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Meta’

¹⁵ Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Lk 8:15 ပူးပေါင်းရင်းမြစ်များ

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Lk 6:45

Wə̀d chɔm ya ghìyə̀ inug chɔm mbe ne yaʼi ibo inga fìŋ. Wə̀d tibɔ̀ŋ ya bə̀ ghìyə̀ inug tibɔ̀ŋ mbe ne yaʼi ibo inga fìŋ imbə̀ʼ icheg ne, ichug ya ghà inug ne yaʼi inga fìŋ.”

Lk 8:14

Titam te ne ya fendi inga ìjə̀ŋì ya chwìye bəd ne zughi Ìngam Ŋwiye bḛ. Si ya gha, icheg ne nyùmə̀ we chè, anug ni nwìʼì nyɔd imbə̀ʼ ighi igun isəg tì anug ni nwìʼì nyɔd imbə̀ʼ ikab fɔrɔ anug ne ghì ighi mbe ne nyàmnyɔd ze ghə̀ʼrə̀ ya kɔ̀rɔ awɔb bə̀ ghìyə̀ chəyi mbɔb mbe kwèghe kà ane anug Ŋwiye.

Lk 8:16

Yeso ya ywìrì chè imbìghè ni gha, “Chəyi wə̀d mɔ̀ʼɔ ne che anam kùbrə aton akwiye. Chəyi wə̀d mɔ̀ʼɔ ne bə̀ che anam chà aton abaʼ. Mbi ya mə̀ che anam, mbi nɔ̀ŋì asaŋ igun atən anam ni gha ze biri zen bəd ne nyḭ̀yḛ inga nəb ya bàrà isiŋi.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Rm 7:18

Ane, mə kyèri gha chəyi anug chɔm mɔ̀ʼɔ ne yaʼi inga inum. À ya ikuchèg tibɔ̀ŋ yaʼi inga inum. Mə bèrì fìŋ ni ghì inug chɔm, si ya gha, chəyi tì mə ghì.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Rm 8:25

Àmə yaʼ aghi ne tì nɔŋi ikɔndi ni ghɔ̀m aghi ne chəyi tì kiri beri, tì biri nyimbi fìŋ ni ghɔ̀m.

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 2:1

Ze bɔ̀ŋ gha tì mənyìʼ zì atog taŋ nyìmi inug ijìm mbe ne tì ya zughi ni gha imbə̀ʼ tì nɔ̀ʼ sàŋì se fàʼà yaʼ ìmbi ndəŋ.

Jems 1:4

Mbə̀ che imbìghè ni nyìʼ fìŋ. Mbə̰ mə̀ taŋ nyìʼ fìŋ ane, nji ìwən ibḛfiŋ biri təm kà, ìwən ikuchèg bə̀ bɔ̀ŋ mànì, ne chəyi anug tibɔ̀ŋ mɔ̀ʼɔ ne tì wə̀d ghà imbə̀ʼ awən.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.