Lk 6:22 - Ikan feg

²² Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Meta’

²² “Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Lk 6:22 ပူးပေါင်းရင်းမြစ်များ

Matìyò 10:18

Mbi biri sùŋì awən ghò imbìghè abə mə̀gɔbnà fɔrɔ imbìghè abə məfɔn imbə̀ʼ amə. Àze biri ghì gha mbə̀ bere apan ni ghà ikən chɔm inɔb bə̀ fɔrɔ abə bəd mbe ne kayi mə̀Ju.

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 10:39

Wə̀d ne kə̀bi ni nɔ̀ŋì ìwi ìtḛ̀ biri sam ìtḛ̀ we. Wə̀d ne sami ìwi ìtḛ̀ imbə̀ʼ amə, tengàŋ biri jəg ìtḛ̀ we.”

Lk 20:15

Mbi ya ghàm ane, gwì ŋwan we niŋ dù inga mben ze, ghò zwèti waʼ. Mbaʼ mben vayìn we kə si ghì iye tì bəd mbe?

Lk 21:17

Wə̀d ijìm biri bà̰ awən məyi imbə̀ʼ amə.

Lk 6:21

Ŋwiye zì àbɔrɔ̀bɔd igun inən, mbə̰ mbe ne njèg ya zàŋa awən amad anìŋ imbə̀ʼ icheg ne mbə biri ghum jəg kɔd. Ŋwiye zì àbɔrɔ̀bɔd igun inən, mbə̰ mbe ne dèghè imbə̀ʼ icheg ne mbə biri ghum se chə̀ʼrə.

Jn 12:42

Kwàʼ anyumə̀ we, itog bəd mə̀Ju ya nɔŋi ibḛfiŋ igun məd. Si ya gha, chəyi tì mbi ya bḛ asaŋ asaŋ imbə̀ʼ icheg ne, mbi yaya bɔ gha, mə̀Farìsi bìri kamni awɔb chì inga ichamì Ŋwiye.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Jn 17:14

Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.

Jn 7:7

Chəyi tì bəd inga isəg pàb awən. Mbɔb ya pàbà amə imbə̀ʼ icheg ne mə ghà inɔb gha inug mbe ne mbɔb mbe ghìyə̀ ya inug tibɔ̀ŋ.

Jn 9:34

Mbi ya ywìtì gha, “Mbi ya gwi awe inga inug tibɔ̀ŋ. Àghò bə̀ kweg inga inug tibɔ̀ŋ. Àghò kə anìŋ kə̀bə̀ ni chwiti inug ina?” Mbi ya biri ane, si kàmni aməd chì inga ichamì Ŋwiye.

Ɨ̀fàʼì 22:22

Bəd mbe ya zweri ìngam ìwi Pɔl ghò pè ane nyumə̀ ne wì ya gha gha Anɔŋisəg fə chà aməd gha wì ghò ghà ikən chɔm abə bəd ne kayi mə̀Ju. Ane, mbi ya ko se kyḛ ane gì ka ka gha, “Mbə̀ nimni mbaŋà ìzo̰ chì inga isəg! Chəyi wì koʼi ni ywìrì yaʼ izɔm!”

Ɨ̀fàʼì 24:5

Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

1 Pità 3:14

Ka mbi bì ghì àghò zə̰ ngəʼ anjìm inug chɔm, Ŋwiye biri zì àbɔrɔ̀bɔd igun ine. A ze inga Àŋwàʼrì Ŋwiye gha, “Imbə̀ʼ mbə̰ bɔ awən wə̀d ne sìbè awən. Imbə̀ʼ mbə̰ binde awən ka.”