Lk 6:21 - Ikan feg

²¹ Ŋwiye zì àbɔrɔ̀bɔd igun inən, mbə̰ mbe ne njèg ya zàŋa awən amad anìŋ imbə̀ʼ icheg ne mbə biri ghum jəg kɔd. Ŋwiye zì àbɔrɔ̀bɔd igun inən, mbə̰ mbe ne dèghè imbə̀ʼ icheg ne mbə biri ghum se chə̀ʼrə.

Meta’

²¹ Ŋwìə̀ zɨ əbɔrəbɔd ɨgwɨ mbə̀n mbe nɨ njì ə zaŋə rɨ̀nîn, ɨmbə̀ʼ ɨghəm nɨ mbə bɨrɨ jɨg kod. Ŋwìə̀ zɨ əbɔrəbɔd ɨgwɨ mbə̀n mbe nɨə chweŋ mɨsɨ rɨ̀nîn, ɨmbə̀ʼ ɨghəm nɨ mbə̀ bɨrɨ chəʼrɨ.

Lk 6:21 ပူးပေါင်းရင်းမြစ်များ

Matìyò 5:4

Ŋwiye zì àbɔrɔ̀bɔd igun bəd mbe ne sɔ̀mnɔ̀, imbə̀ʼ icheg ne məd biri nəri awɔb kwàʼ zìye zìye.

Matìyò 5:6

Ŋwiye zì àbɔrɔ̀bɔd igun bəd mbe ne zi atog ni ghì inug ne təmi kòʼ, imbə̀ʼ icheg ne məd biri nàʼ aghi ne mbɔb mbe kə̀bə̀ inɔb.

Lk 1:53

Wè nàʼ ighi chɔm abə bəd njèg, si kàmni bəd ighi, mbi ghò ibo zɔbi.

Lk 6:20

Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Lk 6:25

Ngəʼ kyen biri nyi igun inən mbə̰ mbe ne jə̀ghə kɔ̀rɔ amad anìŋ, imbə̀ʼ icheg ne njèg biri nyi igun inən. Ngəʼ kyen biri nyi igun inən, mbə̰ mbe ne chə̀ʼrə amad anìŋ, imbə̀ʼ icheg ne mbə biri se sɔ̀mnɔ̀ bə̀ dèghè.

Jn 11:35

Yeso ya dèg.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 6:35

Yeso ya ywìtì inɔb gha, “Mo ya ngə̀ŋ ze ne nàʼà ìtḛ̀. Wə̀d we ne yeʼe inum chəyi njèg biri nɔʼ zaŋ məd. Wə̀d ne zì ìwi ibḛfiŋ igun anug azo̰ ne mə ghà, chəyi adɔʼ mənib biri nɔʼ ko tengàŋ.

1 Kɔrèn 4:11

Tì we amad anìŋ chəyi tijəg, chəyi mənib ni no. Tì we zìyè ichəʼ ndwi. Bəd mbe bə̀ sɔ̀mɔ awa. Chəyi tì bə bèrì asiŋi chughi.

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Ɨnû 21:3

Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Ɨnû 7:16

Chəyi njèg biri nɔ̀ʼ ywiri zaŋ awɔb. Chəyi adɔʼ mənib biri nɔ̀ʼ ywiri ko awɔb. Chəyi achwi kə̀ isiŋi ne taŋ nɔ̀mɔ̀ biri nɔ̀ʼ ywiri tɔ̀n awɔb,