Lk 6:20 - Ikan feg

²⁰ Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Meta’

²⁰ Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Lk 6:20 ပူးပေါင်းရင်းမြစ်များ

Matìyò 11:5

Məfəg mbe se bàrà isiŋi. Bəd ne ighog sweʼe mbe se nɔ̀ʼɔ̀ yḛ̀ icheg chɔm. Aghɔn fə mèg igun bəd ne yaya ghɔ̰̀ àwàrikə̀m, mbi se zḛ. Bəd ne koro mbe se zùghə inug icheg chɔm fɔrɔ iwu bəd mbe zwème. Bəd mbe bə̀ ghà ikən chɔm abə bəd ne chəyi àzɔb.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 5:1

Anyumə̀ ne Yeso ya bàri inɔ̰ bəd we, wì ya kɔʼ ghò ikaŋ iwum mɔ̀ʼɔ pè chùghi aseg. Mə̀mə̀nənùg məd ya ghò fète iban məd.

Lk 12:32

Ìmbum bɔn njə̀g, imbə̀ʼ mbə̰ bɔ awən. Ìwən mbaʼ gyèndi kwàʼ ako ni nàʼ anug ìfɔ̀n ikaŋ inən.

Lk 13:28

Mbə̰ biri dèg se kùrə asɔŋ anyumə̀ ne mbə̀ biri bàd Abràham tì Azìg tì Jàkɔb fɔrɔ bədkə̀n Ŋwiye məjìm inga anug ìfɔ̀n Ŋwiye, ne mbi waʼi awən isəg.

Lk 14:15

Wə̀d mɔ̀ʼɔ abɔ̀ʼ bəd mbe ne yaya jə̀ghə tì Yeso ya zug anug ne Yeso gha, si gha, “Ŋwiye biri zì àbɔrɔ̀bɔd igun bəd mbe ne biri jəg iteri inga anug ìfɔ̀n Məd.”

Lk 16:25

Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

2 Kɔrèn 8:2

Mbi ya chè inga ngəʼ ne taŋ kà, si ya gha, igyendi ya sweg inga ìtɔb fìŋ. Àze ya ghì gha mbɔb ya ghàpà ìmbɔb ighi, ka mbɔb ya yaʼ bəd ne chəyi àzɔb.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

2 Tès 1:5

Inug mbo̰ ijìm ya aneni ni chwi gha Ŋwiye ya sàʼa bəd ane ikuchèg ne koʼi. Àzo̰ chwi gha Ŋwiye biri ghì mbə̰ kòʼ ni nyi inga anug ìfɔ̀n məd anjìm ngəʼ ze ne mbə̰ mbe zə̰.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.