Lk 3:11 - Ikan feg

¹¹ Jɔn ya ywìtì inɔb gha, “Wə̀d ne beri ndwi tìbe, wì naʼa ndwi ifibì abə wə̀d ne chəyi wì bèri. Wə̀d ne beri tijəg, wì ghapa.”

Meta’

¹¹ Wɨ̀ nyaʼa wììrɨ̀ əmbɨ mɨ̀mə̌d ni, “Wə̀d we nɨ berɨ ngywɨ̌ rɨ̀be naʼ zɨ fìbɨ̀ əmbɨ we nɨ chəi wɨ̀ berɨ. We nɨ berɨ ɨghɨjɨg bə̀ ghɨ̀ əndəŋ əndəŋ.”

Lk 3:11 ပူးပေါင်းရင်းမြစ်များ

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Lk 11:41

Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 19:8

Zàkiyòs ya təm titighe, si ghà abə Anɔŋisəg gha, “Anɔŋisəg! Nḛ, mə biri ghàpì ìmbum ighi iba ibe si nàʼ aba afibì abə bəd ne chəyi àzɔb. Wə̀d ne mə̀ ya ghi iji, niŋ ighi məd, mə biri ywì ibo achug akwè.”

Jn 13:29

Mbi mɔ̀ʼɔ yaya kɔ̀ndɔ gha, icheg ne Judàs yaya nyìme àbàn ikab, ighəm mɔ̀ʼɔ, Yeso ya ghà ibo gha wì gho zon ighi ne mbi biri jəg iteri kə̀ ghà gha wì gho nàʼ ikab mɔ̀ʼɔ abə bəd ne chəyi àzɔb.

Ɨ̀fàʼì 10:2

Wì ya nɔ̀ŋì fìŋ igun Ŋwiye. Məd tì inəbi məd ijìm yaya ghùmnə Ŋwiye. Wì yaya nàʼà ighi abu abu abə bəd ne chəyi àzɔb bə̀ chàʼrà Ŋwiye mà nyumə̀ ijìm.

Ɨ̀fàʼì 10:31

Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

Ɨ̀fàʼì 10:4

Kònilìyùs ya nèn angirə̀ we, kəm, ibɔ gwì, wì si bìri ibo gha, “Masà, àkə aghə?” Angirə̀ we ya ywìtì ibo gha, “Ŋwiye we taŋ gyènde imbə̀ʼ awe imbə̀ʼ icheg ne àghò we chàʼrà Ŋwiye fɔrɔ imbə̀ʼ àwètì ze ne àghò we nàʼà abə bəd ne chəyi àzɔb. Ane, wì biri nàʼ iywiti ichug ine ane ìwe ichaʼri Ŋwiye.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Jems 2:14

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

1 Jɔn 3:17

Wə̀d ne beri ighi ne chəyi wì ya wètè bəd ne chəyi àzɔb, chəyi tì tengàŋ gha zìye kɔ̀ŋ Ŋwiye.

1 Jɔn 4:20

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.