Lk 23:4 - Ikan feg

⁴ Payilèd ya si ghà abə itog bəd mbàn Ŋwiye, fɔrɔ abə inɔ̰ bəd gha, “Chəyi mə̀ bàri anug mɔ̀ʼɔ ne wə̀d gho̰ gùghi.”

Meta’

⁴ Pailèt nyaʼa bèŋ ghà əmbɨ ə bə̂d kyeŋ mbe rɨ ə mbàn Ŋwìə̀ fɔrɨ əmbɨ mɨnɔ̂n bə̂d mbe ni, “Chəi mə zə ənû rɨbɔ̀ŋ ə mɔʼɔ ze nɨ mbaŋə̀ zɔ̂ ghɨ̌.”

Lk 23:4 ပူးပေါင်းရင်းမြစ်များ

Matìyò 27:19

Icheg ne Payilèd ya chughi inga nəb isaʼi igun atən ze ne wì yaya chùghə igun sàʼa tisaʼi, iweg məd ya tɔm ikən ibo gha, “Imbə̀ʼ àghò ziye awe ìfe ifeg inga inug wə̀d gho̰ imbə̀ʼ icheg ne chəyi wì gùghi anug mɔ̀ʼɔ ka. Mə ya ghàmà anìŋ imbə̀ʼ icheg ne mə zən ngəʼ ako anjə̀m izimi tèchɔ̀ŋ imbə̀ʼ aməd.”

Mk 15:14

Payilèd ya biri inɔb gha, “Aton kə gha? Anug ne wì gùghi àkə aghə?” Anyumə̀ ne wì ya biri ane, mbi ya ywìrì taŋ kyen gha, “Kɔ̀mbɔ aməd igun azed abaʼri!”

Lk 23:22

Wì ya ghàm inɔb ane ighəm ne pè ane itad, biri gha, “Mə̀ kɔ̀mbɔ aməd igun azed abaʼri ane aghə? Chəyi mə̀ bàri anug ne wì gùghi ne chwi gha mbi mənyìʼ zwèti aməd. Mə biri ywiri aməd, sàŋì wì gho yi.”

Jn 18:38

Payilèd ya biri gha, “Tesiʼ kə aghə?” Wì ya biri ane, ywìrì dù ghò ghà abə mə̀Ju gha, “Chəyi mə̀ bari anug tibɔ̀ŋ mɔ̀ʼɔ ne wə̀d gho̰ gùghi.

Ɨ̀fàʼì 25:25

Mə ya bàd gha chəyi wì ghi anug mɔ̀ʼɔ ne tì mbi zweti aməd. Si ya gha, məd zìye ya ghà gha Kayisà saʼ isaʼi we. Ane, mə̀ ya bḛ gha mə biri chà aməd a Rom.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Pità 2:22

Chəyi wì ya gùghi anug. Chəyi wì ya bə ghà anug ako mɔ̀ʼɔ.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.