Lk 23:34 - Ikan feg

³⁴ Yeso ya chàʼra Ŋwiye gha, “Ìmə Mbaʼ, waʼ ìmbɔb inug tibɔ̀ŋ imbə̀ʼ icheg ne chəyi mbi kyeri aghi ne mbe ghìyə̀.” Mə̀sogyì mbe ya niŋ ndwi məd sàndi, buʼ tikaʼì igun ni ghàpì ndwi ze mbɔb mbɔb.

Meta’

³⁴ Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Lk 23:34 ပူးပေါင်းရင်းမြစ်များ

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 11:26

E! Ìmə Mbaʼ, à ya icheg ne àghò kə̀bi gha ze yaʼ.

Matìyò 5:44

Anug ne mə ghà inən amad anìŋ ya gha, mbə̀ kɔŋɔ ìmbən bəd ìpàb bə̀ chàʼra Ŋwiye abə bəd mbe ne chɔ̀ʼɔ ìmbən ibɔʼì ighog.

Mk 15:24

Mbi ya kɔ̀mbì aməd igun azed abaʼri, si bùʼri tikaʼì ni kyeri ndwi ne wə̀d imɔʼ imɔʼ abɔ̀ʼ inɔb biri niŋ. Mbi ya ghì ane ghàpì ndwi məd, wə̀d ijìm abɔ̀ʼ inɔb niŋ àze aba.

Lk 22:42

“Ìmə Mbaʼ, àghò mə kɔ̀ŋ, chì ngəʼ ìzo̰ igun inum. Faʼa anug ze ne àghò kə̀bi, kayi àze ne mə̀ kə̀bi.”

Jn 17:9

Mə ya dèghè inug mbo̰ ine anìŋ, imbə̀ʼ bəd mbe ne àghò nàʼi inum ne yaʼi ìmbe bəd. Kayi imbə̀ʼ bəd məjìm igun isəg.

Jn 19:11

Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Ɨ̀fàʼì 16:28

Si ya gha, Pɔl ya kyen kwàʼ ane gì ka ka ghà ibo gha, “Imbə̀ʼ àghò ziye awe anə igun ìwe nyɔd! Tì we awa aŋa mba məjìm.”

Ɨ̀fàʼì 3:17

Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Ɨ̀fàʼì 7:60

Anyumə̀ ne wì ya gha ane, wì ya chìndì itog inwḭ aseg, kyen ane gì ka ka gha, “Anɔŋisəg, imbə̀ʼ àghò nyìme awe awɔb anjìm anug tibɔ̀ŋ azo̰ ne mbi ghi anìŋ.” Wì ya ghà ane si sàŋì isəg.

Rm 12:14

Mbə chaʼra Ŋwiye gha wì ziye àbɔrɔ̀bɔd igun bəd mbe ne chɔ̀ʼrɔ ìmbən ibɔʼì ighog. Mbə gha Ŋwiye ziye yaʼ àbɔrɔ̀bɔd igun inɔb, kayi ndɔ̀n.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

1 Kɔrèn 4:12

Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

1 Pità 3:9

Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.