Lk 22:41 - Ikan feg

⁴¹ Wì ya si nɔ̀ʼ kye, sùngì ghò imbìghè, gɔ̀m itog inwḭ aseg, chàʼra Ŋwiye. Wì ya chàʼra Ŋwiye gha,

Meta’

⁴¹ Ənɨ wɨ̀ nyaʼa ghà əne, wɨ̀ nyaʼa wò ɨmbì rɨpiî, ɨghabɨ ɨchî nɨ wə̀d maʼ ɨti, pè chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀ ghà ni,

Lk 22:41 ပူးပေါင်းရင်းမြစ်များ

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Mk 14:35

Wì ya ghà ane, yèndì ghò imbìghè iki piʼì, pè nɔ̀kì aseg kùbri ife, ko se chàʼrà Ŋwiye gha, icheg mə̀ chwi, Ŋwiye ghìyə gha imbə̀ʼ nyùmə̀ ngəʼ ze si yeʼe yi igun inum.

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Lk 18:13

Icheg ne wì yaya chàʼrà Ŋwiye ane, wə̀dtag ya təm agha se, ne chəyi wì ya bi nɔ̀ atog ikaŋ. Wì ya feti ibo nɔ̀ŋì igun atog se chàʼrà Ŋwiye gha, ‹Mə ya wə̀d inug tibɔ̀ŋ, Ŋwiye beri àsɔ̀mnəfiŋ igun inum.›

Ɨ̀fàʼì 20:36

Anyumə̀ ne Pɔl ya màni ni ghàm, mbɔb məjìm ya chìmbì itog inwḭ aseg chàʼra Ŋwiye.

Ɨ̀fàʼì 21:5

Si ya gha, ane ìwa nyumə̀ ni ghò ya kòʼi, tì ya sàŋì awɔb ghò awa. Mə̀mə̀nənùg məjìm tì ìmbɔb mə̀yi fɔrɔ ìmbɔb bɔn ya niŋ awa ni ghò chà. Mbɔb ya beni abɔ̀ʼ ina anene dù ikye aben yèʼe pè iban igyi tìbà. Tì ya pè angu chìmbì itog inwḭ aseg chàʼra Ŋwiye.

Ɨ̀fàʼì 7:60

Anyumə̀ ne wì ya gha ane, wì ya chìndì itog inwḭ aseg, kyen ane gì ka ka gha, “Anɔŋisəg, imbə̀ʼ àghò nyìme awe awɔb anjìm anug tibɔ̀ŋ azo̰ ne mbi ghi anìŋ.” Wì ya ghà ane si sàŋì isəg.

Ɨ̀fàʼì 9:40

Pità ya chà awɔb mbɔb məjìm isəg, gɔ̀m itog inwḭ aseg, chàʼra Ŋwiye, si ghàbri nyɔd nèn awu wə̀d ze, ghà gha, “Tàbità, Nɔ̀ʼɔ titighe!” Tàbità ya fìʼì aghə. Anyumə̀ ne wì ya bàri Pità, wì ya nɔ̀ʼ chùghi.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.