Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lk 21:36 - Ikan feg

36 Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

အခန်းကိုကြည့်ပါ။ ကော်ပီ

Meta’

36 Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

အခန်းကိုကြည့်ပါ။ ကော်ပီ




Lk 21:36
34 ပူးပေါင်းရင်းမြစ်များ  

Ane, mbə̀ pati awən bə̀ chùghi ikyèʼi imbə̀ʼ icheg ne chəyi mbə̀ kyeri aneg ne ìwən Anɔŋisəg biri yeʼe .


Mbə̀ kyeri gha, wə̀d nəb mə̀ kyèri nyumə̀ ne iji biri yeʼe ni ji ighi məd, wì biri chughi ikyèʼi imbə̀ʼ wì nɔ̀ʼ sàŋì iji tòʼ nəb məd nyi inga.


Icheg ne ze yaʼi anìŋ, mbə̰ mənyìʼ chùʼri nyɔd imbə̀ʼ icheg ne Ŋwan Wə̀d biri yeʼe ane nyùmə̀ ne chəyi mbə̰ mbe ghɔ̀mɔ̀ aməd.”


Ane, mbə̀ chughi ikyèʼi imbə̀ʼ icheg ne chəyi mbə̀ kyeri aneg ze kə̀ nyumə̀ we ne Ŋwan Wə̀d biri ywiri yeʼe.”


Mbə̀ chughi ikyèʼi chàʼra Ŋwiye ni gha imbə̀ʼ mbə̰ nɔ̀ʼ nyi inga àkwàʼrì. Fìŋ ze kə̀bə̀ gha mbə̀ ghiyə anug ne koʼi, si ya gha, nyàmnyɔd bɔd.”


Yeso ya ywìtì gha, “Ìchɔb bèrì ìmbɔb isiŋi chughi, tìnən bə̀ bèrì ìtɔb kàn, àsi Ŋwan Wə̀d, chəyi wì beri achan.”


Ane mbə̀ we awən, chughi ikyèʼi imbə̀ʼ icheg ne chəyi mbə̀ kyeri nyùmə̀ we ne Ŋwan Wə̀d biri ywiri yeʼe.


Ane, anug ne mə ghà inən, ya anug ne mə̀ bə̀ ghà abə bəd məjìm. Anug ze ya gha, ‹Mbə̀ chughi ikyèʼi.›”


Angirə̀ ya ywìtì ibo gha, “Mo ya Gabìriyà ne tə̀mə imbìghè Ŋwiye. Ŋwiye tɔm amə gha mə yeʼe ghàm ine bə̀ ghà ikən chɔm gho̰ ine.


Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.


Àsi bəd ne biri kòʼ ni zweme bə̀ nyi inga nyùmə̀ isəg feg, chəyi mbi biri ya nàma kə̀ nàmna bɔn.


Aneg ze biri yeʼe igun wə̀d ijìm ne yaʼi igun isəg.


Wì ya nɔ̀ŋì fìŋ igun Ŋwiye. Məd tì inəbi məd ijìm yaya ghùmnə Ŋwiye. Wì yaya nàʼà ighi abu abu abə bəd ne chəyi àzɔb bə̀ chàʼrà Ŋwiye mà nyumə̀ ijìm.


Mbə̀ we awən bə̀ nɔ̀ŋì ibḛfiŋ ne ka igun Kristo. Imbə̀ʼ mbə̰ bɔ awən. Mbə təm kà.


Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.


Mbə̀ ziye atog ni ya chàʼrà Ŋwiye mà nyumə̀ ijìm. Mbə̀ ya chàʼrà Ŋwiye bə̀ nɔ̀ŋɔ̀ ikɔndi igun ichaʼri Ŋwiye we. Mbə̀ ya bə̀ nàʼà məyakà abə Ŋwiye mà nyumə̀ ijìm.


Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.


Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.


Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.


Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.


Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.


Mbɔb ya ized olìf ibe fɔrɔ itən inam ibe ne tə̀mə imbìghè abə Anɔŋisəg ne tùmbə̀ isəg.


Aton ya gha, aneg kyen ze ne wì biri gaŋ chə bəd inug tibɔ̀ŋ ze pè. Wə̀d ne tì wì chwed àkə we?”


Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.


Ane, mə̀ ya bàd mbè angirə̀ mbe ìsàmbe ne tə̀mə imbìghè abə Ŋwiye. Mbi ya nàʼ tàŋ ìsàmbe inɔb.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ