Àkə ni gha mbə yaʼi abɔ̀ʼ bəd inga isəg, nji mbi ya kɔ̀ŋɔ̀ awən icheg ìmbɔb bəd. Tesiʼ ya gha, chəyi mbə̰ yaʼi abɔ̀ʼ bəd inga isəg. Mə fə chɔʼ awən chì inga isəg. À ya aton ne, bəd inga isəg mbe pàbà awən.
Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.
À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.
Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.