Lk 20:16 - Ikan feg

¹⁶ Wì biri ghò zwètì bəd mbe ne yaya nyìme mben vayìn ze, si nàʼ mben ze abə bəd ndəŋ.” Anyumə̀ ne bəd ya zughi ìngam məgri we, mbi ya si gha, “Imbə̀ʼ Ŋwiye nɔ̀ʼ bḛ!”

Meta’

¹⁶ Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Lk 20:16 ပူးပေါင်းရင်းမြစ်များ

Matìyò 21:34

Nyùmə̀ ne mbi yaya kàba titam vayìn ya kòʼ, ane, wì ya tɔm ìmbi bəd àfàʼì gha mbe gho niŋ àzi tì aba ane titam vayìn te.

Matìyò 21:41

Mbɔb ya ywìtì ibo gha, “Wì biri chə bəd inug izəg mbe, zwèti, si nàʼ mben ze abə bəd ndəŋ ne biri se nìŋə ighi a mben nàʼà àze məd tì aba.”

Matìyò 22:7

Ifɔn we ya bèrì isefiŋ. Ane, wì ya chà ìmbi mə̀sogyì mbi zweti bəd mbe məjìm, bə̀ tɔ̀n àzɔb aben.

Mk 12:9

Mbaʼ mben vayìn ze kə ghə̀nə? Wì biri ghò zweti bəd mbe ne ya nyìmi mben ze, si nàʼ mben ze abə bəd ndəŋ.

Lk 19:27

Ìmbum bəd ìpàb mbe ne chəyi mbi kə̀bi gha mə yaʼ ifɔn igun inɔb, mbe niŋ awɔb yèʼe zwèti inum imbìghè.›”

Lk 20:15

Mbi ya ghàm ane, gwì ŋwan we niŋ dù inga mben ze, ghò zwèti waʼ. Mbaʼ mben vayìn we kə si ghì iye tì bəd mbe?

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Rm 11:1

Mə ya bìre gha Ŋwiye wa fə to̰ yi ìmbi bəd? Indèʼ ka! Chəyi wì to̰ imbə̀ʼ icheg ne mo inum ya bə wə̀d Izre, kwàʼ ane aghaŋ inəbi Abràham. Mo ya wə̀d inga inəbi Benjàmen.

Rm 11:11

Mə we ywìrè bìre gha, mə̀Ju wa tə̀ngə̀ gùg ane icheg ne chəyi tì mbi ywìrì nɔ̀ʼ? Indèʼ ka! Kayi ane imbə̀ʼ icheg ne mbi ya ghì inug tibɔ̀ŋ, Ŋwiye si ghì bəd ne kayi mə̀Ju mbi pum ni ghì gha mə̀Ju se ghìyə̀ àdeg.

Rm 3:31

Àkə ni gha chəyi mə̀nɔ̀ʼɔ̀ Muse ywirì bèrì àfàʼì mɔ̀ʼɔ igun ina imbə̀ʼ icheg ne tì nɔŋi ibḛfiŋ igun Yeso? Indèʼ ka! Tì we kiri niŋə mə̀nɔ̀ʼɔ̀ ane aghi ne beri àzi ati.

Rm 3:4

Indèʼ ka! Icheg ne bəd məjìm ya bəd inug ako, Ŋwiye ya kà fàʼà yaʼ anug ze ne wì ya gha. À ya icheg ne mbi ŋwaʼri inga Àŋwàʼrì Ŋwiye gha, “Àghò mə ghàm, ìwe ìngam mənyìʼ du ane tesiʼ. Chəyi anug ako mɔ̀ʼɔ inga ìwe ìngam.”

Rm 3:6

Kayi ane ka! Ze kə mə̀ yaʼ gha chəyi Ŋwiye ya sàʼa bəd ane icheg ne koʼi, wì kə si ghùm saʼ isəg iye?

Rm 6:15

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ icheg ne chəyi mə̀nɔ̀ʼɔ̀ ywirì bèrì ika igun ina fɔrɔ imbə̀ʼ icheg ne tì si yaʼ inga ìchɔ̀mì we ne Ŋwiye fə ghi ina? Indèʼ ka!

Rm 6:2

Chəyi ze koʼi ane ka. Anug mə̀ yaʼ inug tibɔ̀ŋ, mba ya icheg iwu bəd. Ane, chəyi tì beri ni chè imbìghè ni ya ghìyə̀ inug tibɔ̀ŋ.

Rm 7:13

Ze wa kə chwìye gha mə̀nɔ̀ʼɔ̀ ne ya aghi chɔm, mbe ghì mə ku? Indèʼ ka! À ya inug tibɔ̀ŋ niŋi mə̀nɔ̀ʼɔ̀ ne ya aghi chɔm zwèti amə inga. Ane, tikə chɔm ne Ŋwiye nàʼi fə ghì tì bad icheg ne inug tibɔ̀ŋ bə chè ndo.

Rm 7:7

Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.”

Rm 9:14

Tì kə ywiri gha? Ŋwiye we wa ghìyə̀ ighə? Indèʼ ka!

1 Kɔrèn 6:15

Àkə chəyi mbə̀ kyeri gha ìtən nyàmnyɔd ya isiŋi nyɔd ane nyàmnyɔd Kristo? Tì wə̀d niŋ aba ane nyàmnyɔd Kristo ghò fɔ̀ti tì nyàmnyɔd àkwàrì? Indèʼ ka!

Gàlesìyà 2:17

Tì mə̀ ya kə̀bə̀ ni təm kòʼ icheg ne tì yaʼi ane ifɔti tì Kristo, ze bə̀ ywìrì chwi gha tì we ywìrè ghìyə̀ inug tibɔ̀ŋ, Kristo we wa ghìyə̀ gha bəd se ghìyə̀ inug tibɔ̀ŋ? Indèʼ ka!

Gàlesìyà 3:21

Ze wa chwi anìŋ gha mə̀nɔ̀ʼɔ̀ mbe tì mbi chìkì anug ze ne Ŋwiye ya kàʼi? Indèʼ! Kayi ane ka. Àkə aghi ne nɔ̀ʼɔ̀ mɔ̀ʼɔ yaʼi angu ne nàʼà ìtḛ̀, nji bəd məjìm mbe tì mbi təm kòʼ imbìghè abə Ŋwiye anjìm icheg ne mbi zugri nɔ̀ʼɔ̀ we.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.