Lk 2:34 - Ikan feg

³⁴ Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Meta’

³⁴ Simiòn nyaʼa zɨ̀ əbɔrəbɔd ɨgwɨ mɨ̀mə̌d əne ghà əmbɨ Mèri, ɨŋgɔb wan we ni, “Wan wɔ̂ bɨrɨ ghɨ ni bə̂d mɨ̀nɔnɔʼ gu ə. Wɨ̀ bɨrɨ bɨ nɔɔrɨ bə̂d mɨ̀nɔnɔʼ ɨŋga Izre. Məd bɨrɨ yeʼ ənweenɨ nɨ Ŋwìə̀ naʼa nɨ chəi bə̂d bɨrɨ benɨ.

Lk 2:34 ပူးပေါင်းရင်းမြစ်များ

Matìyò 11:19

Ŋwan Wə̀d yeʼe, wì ya jə̀ghə bə̀ no mənoʼ, bəd se gha, ‹Mbə̀ nḛ, wə̀d gho̰ ya àfaŋi ìfə bə̀ yaʼ atəd mənoʼ. Məd we jə̀ghə àsə̀ʼ tì bədtag fɔrɔ bəd ne ghìyə̀ inug tibɔ̀ŋ.› Tesiʼ ya gha, mbi biri kyeri iwe ne Ŋwiye nàʼi ane icheg ne bəd mbe ghìyə̀ inug ne koʼi.”

Matìyò 12:46

Icheg ne Yeso yaya kiri ghamà abə inɔ̰ bəd we, ngɔb məd tì məfi məd ya təm isəg se kə̀bə̀ ni ghàm ibo.

Matìyò 21:44

[Wə̀d we ne gùghi igun iteg gho̰, tengàŋ biri sɔpɔ iba iba. Iteg we mə bə̀ fen igun wə̀d mɔ̀ʼɔ, wì biri ghɔ̀ʼ tengàŋ.]

Matìyò 27:63

Mbi ya pè ghà ibo gha, “Masà, tè wendi gha, anyumə̀ ne Wə̀d we ne tàmba bəd ya kiri yaʼi ika, wì ya gha, ‹Ineg mə̀ pè ane itad, mə biri zweme ane iwu.›

Lk 2:35

Məd biri toʼ inug mbe ne bəd yaya kɔ̀ndɔ inga ìtɔb fìŋ. Ibəʼ biri zùm ìze fìŋ icheg fibeg.”

Jn 3:20

À ya ane imbə̀ʼ icheg ne bəd məjìm mbe ne ghìyə̀ inug tibɔ̀ŋ ya pàbà ìzḛzḛ. Chəyi mbɔb ya kə̀bə̀ ni nyi inga ìzḛzḛ imbə̀ʼ icheg ne chəyi mbi ya kə̀bə̀ gha ìmbɔb inug tibɔ̀ŋ duwə asaŋ.

Jn 5:18

Anyumə̀ ne wì ya ghàmi ane, itog bəd abə mə̀Ju ya se sa̰ iwu ni zweti aməd. Mbi yaya kə̀bə̀ ni zweti aməd kayi məyi imbə̀ʼ icheg ne wì ya gùg mə̀nɔ̀ʼɔ̀ mbe ane aneg àzwètì, à ya imbə̀ʼ icheg ne wì ya gha Ŋwiye ya ìwi Mbaʼ, ane, mə̀grì ìwi nyɔd ane Ŋwiye.

Ɨ̀fàʼì 13:45

Si ya gha, anyumə̀ ne mə̀Ju ya bàri tinɔ̰ bəd te, àdeg ya sweg inɔb inga fìŋ. Ane, mbi ya ko se zɔ̀mbɔ̀ Pɔl gha anug ze ne wì ya ghà ya anug ako.

Ɨ̀fàʼì 17:6

Si ya gha, chəyi mbi ya bàri awɔb. Icheg ne chəyi mbi ya bàri awɔb, mbi ya gwì Jasòn fɔrɔ bəd mɔ̀ʼɔ ne ya nɔŋi ìwɔb ibḛfiŋ igun Kristo niŋ nè sìmè ghò abə itog bəd mbe ne sàʼa aben. Anyumə̀ ne mbi pè angu, mbi ya kyen kwàʼ ane gì ka ka gha, “Bəd mbo̰ ne tɔ̀bɔ̀ isiŋi inga iben ijìm, mbɔb mbo̰ fə se aŋa.

Ɨ̀fàʼì 24:5

Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Ɨ̀fàʼì 4:26

Məfɔn mbe igun isəg fə chuʼri nyɔd ane àzɔ̀ŋì; Bəd mbe ne sàʼa iben fə bə̀ fète ni zɔ̀ŋ Anɔŋisəg tì Wə̀d məd we ne wì zɔ̀ʼi.›

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Rm 9:32

Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

Mə̀Hibrù 7:1

Mèkisedèg gho̰ ya yaʼ ifɔn a Salèm. Məd ya yaʼ wə̀d mbàn Ŋwiyekɔʼ. Anyumə̀ ne Abràham yaya bə̀ndə̀ ane ibid we ne wì ya màʼi chè məfɔn məkwè, Mèkisedèg ya bɔ̀mbì tì məd, zì àbɔrɔ̀bɔd igun məd.

Mə̀Hibrù 7:7

Ze fə dù zen gha wə̀d we ne zìyè àbɔrɔ̀bɔd bèrì ighumni chè wə̀d we ne nìŋə.

1 Pità 4:14

Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.