Lk 19:12 - Ikan feg

¹² Wì ya gha, “Wə̀d kyen mɔ̀ʼɔ ya ghò inga aben ndəŋ ne agha sa. Wì ya ghò ni gha mbe zɔʼ aməd ane ifɔn, wì ywirì bə̀ndì ghò ibo inga aben.

Meta’

¹² Wɨ̀ nyaʼa ghà ni, “Kǔm kyeŋ mɔʼɔ nyaʼa wò ɨŋga əbeŋ ə mɔʼɔ əsa əgha ni mbɨ zɔʼ əməd ənɨ ɨfɔ̀n bɔŋ wɨ̀ wɨrɨ bə̀ndɨ̀.

Lk 19:12 ပူးပေါင်းရင်းမြစ်များ

Matìyò 21:38

Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.›

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Mk 12:1

Yeso ya si nɔ̀ʼ ko ghà tìngam məgri abə bəd mbe ne ya tangi inug inga aben mə̀Ju gha, “Mbaŋà mɔ̀ʼɔ ya kon mben vayìn, kɔd ikam chè kad, tɔŋ ibighi bɔm asiŋi ne mbi biri se mḭ̀yḛ̀ mənoʼ inga. Wì ya bə̀ bɔm nəb ikaŋ ne wə̀d biri chùghi inga se kyèʼrè mben ze. Wì ya ghì ane nàʼ mben ze abə bəd mɔ̀ʼɔ gha mbe nyimi ghi fàʼ inga. Wì ya nàʼ ane, nɔ̀ʼ ghò inga aben ndəŋ.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Lk 20:9

Yeso ya chè imbìghè ghàm ìngam məgri gho̰ inɔb gha, “Wə̀d mɔ̀ʼɔ ya kon mben vayìn. Wì ya zì bəd ne nyimi mben ze, si nɔ̀ʼ ghò chughi yi asiŋi ne agha sa.

Lk 24:51

Icheg ne wì yaya zìyè àbɔrɔ̀bɔd igun inɔb ane, Ŋwiye ya niŋ aməd ikaŋ àbɔ̀ŋɔ.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

Ɨ̀fàʼì 17:31

Wì ya nɔ̀ŋì aneg ne wì biri chè anjìm Wə̀d we ne wì ya chɔʼi, saʼ wə̀d ijìm inga isəg gho̰ ane icheg ne koʼi. Wì fə chwi aneni abə bəd məjìm gha zìye biri ghì ane icheg ne wì zwemni wə̀d we ne wì ya chɔʼi ane iwu.”

1 Kɔrèn 15:25

Kristo bèrì ni tùmbì isəg ghò pè ane nyùmə̀ ne wì fə ghi bəd ìpàb məd məjìm si yaʼ ibo aton aghog.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.