Lk 17:6 - Ikan feg

⁶ Anɔŋisəg ya ywìtì inɔb gha, “Mbə̰ mə̀ bèrì ibḛfiŋ ka wi ya məyi icheg titam mostàd, mbə̰ mbe tì mbə̰ ghà abə azed icheg ìtḭ ikwebì gha, ‹Chɔʼ ìwe nyɔd kwàʼ ane ighaŋ ghò si kwè inga igyi tìbà,› ze zugrə awən.”

Meta’

⁶ Ə̀nùŋɨ̀sɨg nyaʼa wììrɨ̀ əmbɨ mɨ̀mə̌d ni, “Mbə mɨ kəʼ berɨ ɨbenɨ nɨ kə ɨghabɨ sǎm ə̀wɔ̀mɨ, njɨ mbə mbe tɨ mbə̀ ghà əmbɨ əzed ə sikamò zɔ̂ ni, 'Chɔʼ rɨ ə si wò kon e ɨŋga rɨ̀bàà,' əne zɨə bɨrɨ zuunɨ əwən.”

Lk 17:6 ပူးပေါင်းရင်းမြစ်များ

Matìyò 14:29

Yeso ya ghà ibo gha, “Yḛ yèʼe!” Ane, Pità ya dù inga abaŋ igyi ze ko yèn igun igyi ni ghò abɔ̀ʼ Yeso.

Matìyò 17:20

Wì ya ywìtì inɔb gha, “À ya imbə̀ʼ icheg ne ìwən ibḛfiŋ bɔri. Mə gha tesiʼ inən gha, mbə̰ mə̀ bèrì ibḛfiŋ ne kə icheg titam mostàd, mbə̰ mbe tì mbə̰ ghà abə iwum gho̰ gha, ‹Nɔ̀ʼɔ aŋa ghò ayin!› Wi bə̀ nɔ̀ʼ ghò. Chəyi anug mɔ̀ʼɔ biri nɔ̀ʼ chè awən.”

Matìyò 21:21

Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane.

Mk 4:31

Anug ìfɔ̀n Ŋwiye ya icheg fitam mostàd. Wə̀d mɔ̀ʼɔ ya niŋ fitam fe ghò nyɔ̀ʼ aseg. Fitam mostàd fe kə chè titam azed tijìm igun isəg.

Mk 9:23

Yeso ya ghà ibo gha, “Àghò ghà gha, ‹Àmə yaʼ aghi ne tì mə ghì anug mɔ̀ʼɔ!› Kyeri gha chəyi anug mɔ̀ʼɔ ne tì ze chè wə̀d we ne beri ibḛfiŋ.”

Lk 13:19

Anug ìfɔ̀n Ŋwiye ya icheg fitam mostàd ne wə̀d mɔ̀ʼɔ nwḭ̀, fi kweg, se azed ne tìnən te se kɔ̀rɔ ìtɔb kàn ane tìtab.”

Lk 17:7

Yeso ya gha, “Tì niŋ gha, wə̀d mɔ̀ʼɔ abɔ̀ʼ inən bèrì wə̀d àfàʼì ne ghùyə̀ ibon kə̀ wə̀d àfàʼì ne kyèʼrè njə̀g. Tì wì gha ibo anyumə̀ ne wì bə̀ndi a mben gha, ‹Yeʼe amad amad chùghi aseg jəg›.

Lk 19:4

Ane, wì ya nòrò ghò imbìghè aba ze ne Yeso yaya ghò chè angu, pè kɔʼ ikaŋ azed mɔ̀ʼɔ ne mbe kàrà ane Sikamò.

Lk 7:13

Anyumə̀ ne Anɔŋisəg ya bàri àyi we, wì ya bèrì àsɔ̀mnəfiŋ igun məd. Wì ya ghà ibo gha, “Imbə̀ʼ àghò dèghe awe.”

Lk 7:19

Wì ya kàrì ìmbi mə̀mə̀nənùg məbe tɔm awɔb abə Anɔŋisəg Yeso, gha mbe ghò bìri ibo gha, “Àghò kə wə̀d we ne te ghɔ̀mɔ̀ gha məd we yèʼe, kə̀ te ghɔmɔ wə̀d ndəŋ?”

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.