Lk 17:30 - Ikan feg

³⁰ À ya kwàʼ icheg ne ze biri bə yaʼ ane aneg ne Ŋwan Wə̀d biri ywirì yeʼe.

Meta’

³⁰ Àyɨə bə̀ ɨchî nɨ ɨnû bɨrɨ ghɨ̀ əni ze nɨ Wan Wə̀d wɨrɨ yeʼe.

Lk 17:30 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 24:3

Anyumə̀ ne Yeso ya chughi ikaŋ iwum mə̀olìf, mə̀mə̀nənùg məd ya ghò ibo məyi mbɔb mbɔb pè ghà ibo gha, “Masà, gha nyumə̀ ne inug mbo̰ biri dù ina. Mə̀tə aneni ane nyumə̀ ne àghò biri bə̀ndì fɔrɔ aneni ane nyumə̀ ne isəg biri nwḭ̀yḛ̀.”

Matìyò 24:37

Ikuchèg ne inug yaya dùwə̀ inga ineg mbe abə Nwa̰, à ya bə̀ ane ne ze biri yaʼ ane nyùmə̀ we ne Ŋwan Wə̀d biri yeʼe .

Matìyò 24:39

Chəyi bəd mbe ya kyeri anug ne biri dù pè ane nyumə̀ ne mbə̀ŋ ya no, mənib sweg bèʼì awɔb mbɔb məjìm. Aŋa ya icheg ne bəd igun isəg biri bə yaʼ anyumə̀ ne Ŋwan Wə̀d biri yeʼe .

Matìyò 26:64

Yeso ya ywìtì ibo gha, “À ya icheg ne àghò gha. Mə ghà inən gha, nɔ̀ʼ tèchɔ̀ŋ, mbə biri bàd Ŋwan Wə̀d ne wì chùghi aba abo jəghi Ŋwiye we ne beri ika ijìm. Mbə̰ biri bə bàd icheg ne məd we yèʼe inga pàʼ ikaŋ àbɔ̀ŋɔ.”

Mk 13:26

Ane nyùmə̀ we, bəd biri bàd Ŋwan Wə̀d ne yèʼe inga pàʼ, bàd ika kyen we ne wì beri bə̀ bàd ighumni we ne wì bə bèri.

Lk 17:24

Aneg ne Ŋwan Wə̀d biri ywiri yeʼe ze biri yaʼ kwàʼ icheg ne àŋwàŋwaŋ ze wàrà ikaʼì ikaŋ àbɔ̀ŋɔ aba afibì isiŋi zḛ du aba azin.

Lk 17:29

Si ya gha, aneg ze ne Lɔd ya du inga Sodòm, iywid tì sɔfɔ̀ ya swiʼi tikaŋ àbɔ̀ŋɔ tɔ̀n bəd məjìm fɔrɔ ighi ijìm inga aben ze.

Lk 21:22

Inug mbo̰ biri dù kwàʼ icheg ne mbi yaʼi inga Àŋwàʼrì imbə̀ʼ icheg ne, inga nyùmə̀ we Ŋwiye biri gaŋ, zì ngəʼ igun bəd inug tibɔ̀ŋ.

Lk 21:27

Anyumə̀ we, mbi biri bàd Ŋwan Wə̀d inga pàʼ ne we yèʼe tì ika fɔrɔ ighumni kyen.

1 Kɔrèn 1:7

Chəyi ineʼi mɔ̀ʼɔ ne Azwighi Ŋwiye ze nàʼà ne chəyi mbə̀ beri, icheg ne mbə̀ taŋ zì atog ni ghɔ̀m gha Anɔŋisəg Yeso Kristo ywirì yèʼe.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

2 Tès 1:7

Àsi mbə̰ mbe ne zə̰ ngəʼ imbə̀ʼ aməd, wì biri ghì gha mbə̀ bere àzùtì. Wì biri bə ghì mba ina bə bèrì àzùtì. Wì biri ghum ghì ane anyumə̀ ne Anɔŋisəg Yeso Kristo biri swiʼi ikaŋ àbɔ̀ŋɔ inga ìkìmi iywid tì ìmbi mbè angirə̀ ka ka.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.