Lk 17:16 - Ikan feg

¹⁶ Wì ya pè gùg imbìghè abə Yeso se nàʼà məyakà ibo. Wə̀d we ya yaʼ wə̀d a Sàmarìyà.

Meta’

¹⁶ pè gù ɨban ɨwu Yeso, nàʼ məben-əwe ɨ bɔ. Mbaŋə̀ ze yɨə nyaʼə wə̀d rɨ ə Sàmàriyà.

Lk 17:16 ပူးပေါင်းရင်းမြစ်များ

Matìyò 10:5

Yeso ya chà bədtɔm mbe ìghum chɔ̀b ibe nàʼ tikə inɔb gha, “Imbə̀ʼ mbə̰ gho awən inga iben bəd mbe ne kayi mə̀Ju fɔrɔ inga iben məSàmarìyà.

Matìyò 2:11

Anyumə̀ ne mbɔb ya pè inga nəb ze ne ŋwan we ya yaʼi inga, mbɔb ya bàd ŋwan we bə̀ bàd Mèri ngɔb məd. Mbɔb ya gundi aseg ghùmni ŋwan we, nɔ̀ʼ fìʼì ìmbɔb mbì tìkub chì ighi inga, fà ŋwan we. Mbɔb ya nàʼ gol tì frankinsèns fɔrɔ mər.

Mk 5:33

Àyi we ya bàd gha aghɔn məd fə mèg. Ane, wì ya ghò nè bìnde, bɔ, pè gùg imbìghè abə Yeso, mə̀tì tesiʼ ijìm ibo.

Lk 17:17

Yeso ya biri gha, “À ya bəd ìghum ne aghɔn kə mèghi igun inɔb, mə̀mbin àbɔg mbeg?

Lk 5:8

Anyumə̀ ne Sayimùn Pità ya bàri anug azo̰, wì ya chìndì itog inwḭ aseg imbìghè abə Yeso, si ghà ibo gha, “Anɔŋisəg, nɔ̀ʼɔ awe iban inum imbə̀ʼ icheg ne mo ya wə̀d inug tibɔ̀ŋ.”

Jn 4:9

Àyi Sàmarìyà we ya ywìtì ibo gha, “Àghò ya Ju. Mo ya àyi Sàmarìyà. Ze kə che iye gha àghò bìri mənib inum?” Aton ne àyi we ya biri ane ya gha chəyi mə̀Ju yaya jə̀grə tì məSàmarìyà.

Jn 5:23

Àzo̰ ya ni ghì gha, wə̀d ijìm nàʼ ighumni abə Ŋwan icheg ne mbe bə̀ nàʼà ighumni abə Mbaʼ. Wə̀d ne chəyi we ghùmnə Ŋwan, ane ya gha chəyi tengàŋ bə ghùmni Mbaʼ we ne cha aməd.

Jn 8:48

Mə̀Ju ya biri abə Yeso gha, “Àkə chəyi tì koʼi ni ghà gha àghò ya wə̀d a Sàmarìyà, bə̀ ghà gha azwighi tibɔ̀ŋ ze inga ine?”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

1 Kɔrèn 14:25

Tikɔndi te ne yaʼi ibo inga fìŋ biri dù asaŋ. Ane, àze biri ghì gha wì gughə aseg se ghùmnə Ŋwiye gha, “Kwàʼ tesiʼ, Ŋwiye we kwàʼ tì inən.”

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 4:10

Anyumə̀ ne mbɔb mbe ghùmnə aməd we ne chughi igun atən ifɔn ze, itog bəd mbe ìghum ibe chɔ̀b ikwè ya chìyè ìmbɔb ighi atog ifɔn nɔ̀ŋɔ̀ aseg ibo imbìghè, məd we ne yaʼi izɔm kwàʼ ane ighə̀m imɔʼ. Mbɔb ya chìyè ìmbɔb ighi atog nɔ̀ŋì aseg se ghùmnə aməd gha,

Ɨnû 5:14

Ighi izɔm mbe ikwè ya ywìtì gha, “À ya ane!” Itog bəd mbe ya gundi aseg ghùmni Ŋwiye bə̀ ghùmni Ŋwan njə̀g.