Lk 16:11 - Ikan feg

¹¹ Ane, Àkə mə̀ chəyi mbə̀ nyimi ighi ikab mbe igun isəg aŋa icheg chɔm, wə̀d ne biri si nàʼ ijiʼi ighi ikab inən àkə we?

Meta’

¹¹ À mɨ yeʼ nɨ chəi mbə̀ə fàʼ ənɨ tə fîŋ rɨjìm nɨ yim mbɔ̂n rɨŋga ɨsɨg, njɨ à kɨə we bɨrɨ naʼ mbɔ̂n rəsìʼ ɨ nən ə?

Lk 16:11 ပူးပေါင်းရင်းမြစ်များ

Matìyò 6:24

Yeso ya chè imbìghè gha, “Chəyi wə̀d mɔ̀ʼɔ angu ne tì wì fàʼ abə mə̀mbaʼ àfàʼì məbe. À ya ane imbə̀ʼ icheg ne wì biri bàn ifibì kɔ̀ŋ ìywin, kə̀ wì fàʼ abə ifibì ane ìzi fìŋ ijìm si kə̀nì ìywin. Chəyi tì àghò fàʼ abə Ŋwiye bə̀ ywìrì zì fìŋ ane anug ni bèrì ighi ane ighə̀m ifibì.”

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 16:12

Àkə mə̀ chəyi mbə̀ taŋ nɔ̀ŋì ighi bəd ndəŋ icheg chɔm, wə̀d ne biri si nàʼ ighi mbe ne yaʼi ìmbən inən àkə we?

Lk 16:9

Mə ghà kwàʼ tesiʼ inən gha, aton ane ìngam gho̰ ya gha, mbə̀ niŋ ighi ikab mbo̰ inga isəg ghì mə̀sə̀ʼ angu. Ze yaʼ ane imbə̀ʼ icheg ne, anyumə̀ ne ighi ikab mbe biri mèg, mbə biri si bèrì asiŋi ni chughi ane ìtḛ̀ ighə̀m imɔʼ.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.