Lk 14:13 - Ikan feg

¹³ Àghò mə̀ ya kàʼà iteri, kàʼ bəd ne chəyi àzɔb tì bəd ne buʼrə tì məfəg fɔrɔ bəd ikwiri ibo.

Meta’

¹³ Àyɨə ənɨ à kaʼ əchwɨ̂, won bə̂d ɨkwaŋ, won mbe nɨ ɨbɔ nəŋɨ, won mbe nɨə tèʼ ɨwu, bə̀ won mɨfɨgɨ̀.

Lk 14:13 ပူးပေါင်းရင်းမြစ်များ

Matìyò 15:30

Tinɔ̰ bəd ya ghò abɔ̀ʼ məd tì bəd ne ighog ya swèʼe tì məfəg tì bəd ne ya buʼrə tì bəd ne chəyi mbe ghàmà fɔrɔ bəd ne yaya ghɔ̰̀ aku aghɔn nɔʼ nɔʼ ndəŋ. Mbi ya pè nɔ̀ŋì bəd mbe ibo imbìghè, wì ghù awɔb mbɔb məjìm.

Matìyò 22:10

Bəd àfàʼì mbe ya dù ghò igun itog inɔnjì, kàrì aku bəd ajìm ne mbi ya bàri. Bəd ne mbi ya kàri ya sweg inga ichamì we ne mbi ya ghi inami we inga.

Lk 11:41

Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 14:12

Yeso ya ghabri ghà abə mbaʼ ane anug gha, “Àghò mə kàʼ anug tisi kə̀ ikwikwiri, imbə̀ʼ àghò kàʼa awe məyi ìmbe mə̀sə̀ʼ, kə̀ məyi ìmbe məfi tì ìmbe ifud tì bədkab ne yaʼi iban ine. Imbə̀ʼ àghò kàʼa awe məyi bəd ne àghò kɔ̀ndɔ gha mbi biri ghum kàʼ awe bə, ane ywì ighi ne àghò ya ghum nàʼ inɔb.

Lk 14:14

Ŋwiye biri si nàʼ chùd ine anyumə̀ ne wì biri zwemni bəd ne təmi kòʼ. Wì biri zì àbɔrɔ̀bɔd igun ine imbə̀ʼ icheg ne chəyi tì bəd mbe ywì ìmbe ighi.”

Lk 14:21

Wə̀d àfàʼì we ya bə̀ndì ghò mə̀tì inug mbo̰ ijìm abə mbaʼ àfàʼì məd. Mbaʼ àfàʼì məd ya gaŋ, si ghà abə wə̀d àfàʼì məd we gha, ‹Ndò amad amad igun inɔnjì, nyi inga tìfad aben, kàrì aku bəd ajìm. Bəd ne chəyi àzɔb, tì bəd ne ibo sweʼe, tì bəd ne buʼrə tì məfəg gha mbe yeʼe ane iteri.›

Ɨ̀fàʼì 9:39

Pità ya nɔ̀ʼ ghò abɔ̀ʼ inɔb. Anyumə̀ ne wì ya pe angu, mbi ya niŋ aməd kɔʼ ghò inga atog nəb ze ikaŋ. Məku àyi məjìm ya yaʼ itəmbi iban Pità. Mbi yaya dèghè mèʼè məchə, chwìye ndwi maʼi bə̀ chwìye ndwi ndəŋ ne Dòkas ya tangi nàʼ inɔb anyumə̀ ne wì yaya kiri izɔm.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Filemɔ̀n 1:7

Ìmə ifi, icheg ne àghò we kɔ̀ŋɔ̀ bəd Kristo angu fə nəri ìmə fìŋ bə̀ ghì mə se gyènde. Mə ya gyènde imbə̀ʼ icheg ne àghò fə ghì fìŋ abə bəd Ŋwiye zùtì.

Mə̀Hibrù 13:2

Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.