Lk 12:4 - Ikan feg

⁴ Yeso ya ywìri chè imbìghè gha, “Ìmbum mə̀sə̀ʼ, mə ghà inən gha, imbə̀ʼ mbə̰ bɔ awən bəd ne zwète məyi nyàmnyɔd ne chəyi tì mbi fàʼ anug ndəŋ ne bə chè.

Meta’

⁴ “Mə wɨə ghà ɨ nən, mbən mbɨ mɨ̀sə̀ʼ ni, tɨ mbə̀ bɔ ə bə̂d mbe nɨə zwiirɨə nyamnyod, àyɨə chəi ənû ə cherə nɨ tɨ̀ mbɨ wɨrɨ ghɨ̀.

Lk 12:4 ပူးပေါင်းရင်းမြစ်များ

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Jn 15:13

Chəyi iku àkɔ̀ŋì mɔ̀ʼɔ ne che àze ni gha, wə̀d ku atog abə ìmbi mə̀sə̀ʼ.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 4:13

Anyumə̀ ne mbi ya bàri icheg ne Pità tì Jɔn mbe ghàmà ne chəyi mbe bɔ, bə̀ kyèri gha mbɔb ya inati bəd ne chəyi mbi nyi àŋwàʼrì, anug ya chè awɔb. Itog bəd mbo̰ ya bə̀ kyèri gha Pità tì Jɔn ya kweʼì yaʼ abɔ̀ʼ Yeso.

Fìlipì 1:28

Imbə̀ʼ mbə̰ bɔ awən bəd ìpàb mbe ne zɔ̀ŋɔ̀ ni chìkì ìwən ibḛfiŋ. Mbə̰ mə̀ chəyi mbə̀ bɔ awɔb, ze biri yaʼ aneni inɔb ne chwìte gha Ŋwiye biri ghum nimni awɔb. Àsi inən, à ya aneni ne chwìte gha Ŋwiye biri ghum pumni awən.

Jems 2:23

Anug ne Àŋwàʼrì Ŋwiye ya gha imbə̀ʼ Abràham ya dù ane tesiʼ. Anug ze ya gha, “Abràham ya bḛ Ŋwiye, ane Ŋwiye niŋ aməd ane wə̀d ne təmi kòʼ.” Àze ya ghì Ŋwiye kàrì aməd ane ìwi ìsə̀ʼ.

1 Pità 3:14

Ka mbi bì ghì àghò zə̰ ngəʼ anjìm inug chɔm, Ŋwiye biri zì àbɔrɔ̀bɔd igun ine. A ze inga Àŋwàʼrì Ŋwiye gha, “Imbə̀ʼ mbə̰ bɔ awən wə̀d ne sìbè awən. Imbə̀ʼ mbə̰ binde awən ka.”

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.