Lk 12:17 - Ikan feg

¹⁷ Wə̀d gho̰ ya se kɔ̀ndɔ inga fìŋ gha, ‹Ze kə anìŋ mə ghənə? Chəyi mə̀ beri asiŋi ni nɔ̀ŋì ìmbum ighi ne mə̀ biri niŋ a mben.›

Meta’

¹⁷ Əne wɨ̀ nyaʼa kɔndɨ ɨŋga i fîŋ ni, 'Mə kɨə wo ghɨ ye ə? Chəi mə berɨ əsɨ nɨ nuŋ tɨjɨg tɔ̂ əŋgu!'

Lk 12:17 ပူးပေါင်းရင်းမြစ်များ

Matìyò 16:7

Mə̀mə̀nənùg mbe ya ghàm anug ze mbɔb mbɔb gha, “Wì ya ghà ane imbə̀ʼ icheg ne chəyi tì niŋi ngə̀ŋ yèʼe aŋa.”

Matìyò 5:42

Wə̀d mə̀ nɔn aghi ine, nàʼa ibo. Wə̀d mə kə̀b ni chɔʼ aghi ine, imbə̀ʼ àghò to̰ awe.”

Lk 10:25

À ya yaʼ igun aneg mɔ̀ʼɔ, àchwitì mə̀nɔ̀ʼɔ̀ mɔ̀ʼɔ ya ghò ni kwàʼrì Yeso. Wì ya biri ibo gha, “Àchwitìnùg, mə kə mənyìʼ ghì iye bɔŋ jəg ìtḛ̀ ighə̀m imɔʼ?”

Lk 11:41

Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 12:16

Yeso ya ghàm ìngam məgri inɔb gha, “Wə̀d mɔ̀ʼɔ ya yaʼ angu ne beri asiŋi ìseg ne ighijəg ya bɔ̀ŋɔ̀ angu.

Lk 12:18

Wì ya si ghà ibo inga fìŋ gha, ‹Mə kyèri aghi ne mə̀ biri fàʼ. Mə biri buʼ ìtum ngən, si kɔd ìti kyen kyen. À ya inga angu ne mə̀ biri nɔ̀ŋì ìtum kyì fɔrɔ ighi ndəŋ ne mə̀ biri niŋ a mben.›

Lk 12:22

Yeso ya ghà abə mə̀mə̀nənùg məd gha, “Imbə̀ʼ mbə̰ nwìʼè awən nyɔd imbə̀ʼ ìtḛ̀ gha mbə̀ kə ghi jəg aghə? Kə̀ imbə̀ʼ ìtən nyàmnyɔd gha mbə̀ kə ghi zì aghə?

Lk 12:29

Imbə̀ʼ mbə̰ chə awən ìwən nyɔd ane aghi ni jəg kə̀ ni no.

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 16:3

Wə̀d àfàʼì we ya kɔndi ibo inga fìŋ gha, ‹Mə kə anìŋ ghì iye? Ìmə mbaʼ àfàʼì ya anìŋ gho chì amə ane àfàʼì. Chəyi mə̀ bə bèrì ika ni tɔŋ isiŋi. Atog ze bə̀ nìrè inum ni ŋa nɔ̰.

Lk 16:9

Mə ghà kwàʼ tesiʼ inən gha, aton ane ìngam gho̰ ya gha, mbə̀ niŋ ighi ikab mbo̰ inga isəg ghì mə̀sə̀ʼ angu. Ze yaʼ ane imbə̀ʼ icheg ne, anyumə̀ ne ighi ikab mbe biri mèg, mbə biri si bèrì asiŋi ni chughi ane ìtḛ̀ ighə̀m imɔʼ.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 19:17

Mbaʼ àfàʼì məd ya ywìtì ibo gha, ‹Ìmə wə̀d àfàʼì chɔ̀m! Àghò fàʼ icheg chɔm. Icheg ne àghò fàʼi tì iki ikab kwa kwa ane ìze fìŋ ijìm, àghò biri se saʼa iben ìghum.›

Lk 3:11

Jɔn ya ywìtì inɔb gha, “Wə̀d ne beri ndwi tìbe, wì naʼa ndwi ifibì abə wə̀d ne chəyi wì bèri. Wə̀d ne beri tijəg, wì ghapa.”

Ɨ̀fàʼì 16:30

Wì ya ghì ane, niŋ awɔb mbi dù isəg pè bìri inɔb gha, “Ìmbum mə̀mbaʼ, mə̀ kə anìŋ ghənə bɔŋ pum?”

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Rm 12:13

Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.