Lk 11:41 - Ikan feg

⁴¹ Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Meta’

⁴¹ Àyɨə mbə̀ naʼ ɨghɨ mbe nɨ yeʼ ɨŋga toʼ bə̀ nàʼ mbe nɨ yeʼ ɨŋga ɨkaŋ əmbɨ ə bə̂d ɨkwaŋ, əne ɨghɨjìm bɨrɨ zeŋ ɨ nən.

Lk 11:41 ပူးပေါင်းရင်းမြစ်များ

Matìyò 26:11

Bəd mbe ne chəyi àzɔb biri yaʼ abɔ̀ʼ inən mà nyumə̀ ijìm. Àsi mo, chəyi mə̀ biri yaʼ abɔ̀ʼ inən mà nyumə̀ ijìm.

Matìyò 5:42

Wə̀d mə̀ nɔn aghi ine, nàʼa ibo. Wə̀d mə kə̀b ni chɔʼ aghi ine, imbə̀ʼ àghò to̰ awe.”

Mk 7:19

Aton ya gha, chəyi ze nyḭ̀yḛ inga fìŋ. Ze ya nyḭ̀yḛ yaʼ inga fibum, si chè dù asaŋ.” (Icheg ne wì ya gha anug azo̰, ane ya gha, wì fə sɔb gha ighijəg ijìm kòʼ gha bəd jəg.)

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 16:9

Mə ghà kwàʼ tesiʼ inən gha, aton ane ìngam gho̰ ya gha, mbə̀ niŋ ighi ikab mbo̰ inga isəg ghì mə̀sə̀ʼ angu. Ze yaʼ ane imbə̀ʼ icheg ne, anyumə̀ ne ighi ikab mbe biri mèg, mbə biri si bèrì asiŋi ni chughi ane ìtḛ̀ ighə̀m imɔʼ.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 19:8

Zàkiyòs ya təm titighe, si ghà abə Anɔŋisəg gha, “Anɔŋisəg! Nḛ, mə biri ghàpì ìmbum ighi iba ibe si nàʼ aba afibì abə bəd ne chəyi àzɔb. Wə̀d ne mə̀ ya ghi iji, niŋ ighi məd, mə biri ywì ibo achug akwè.”

Ɨ̀fàʼì 10:15

Gì ze ya ywìrì ghà ibo gha, “Imbə̀ʼ àghò kàra awe aghi ne Ŋwiye fə so ane aghi ne chəyi ze zḛ.”

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 24:17

Ane tituʼ nɔʼ nɔʼ ya che, mə̀ ya ywìrì ghò a Jèrusalèm ni nàʼ ighi abə ìmbum bəd aben mbe ne chəyi àzɔb, bə̀ nàʼ ighi àfàtì abə Ŋwiye.

2 Kɔrèn 8:12

Ane, wə̀d mə bèrì fìŋ chɔm ni wètì bəd bə̀ nàʼ ighi icheg ne abo məd chwi, Ŋwiye biri niŋ ighi mbe ne wì nàʼi. Chəyi Ŋwiye we kə̀bə̀ gha wə̀d naʼa ighi ane mbe ne chəyi wì bèri.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

Tayitùs 1:15

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.