Lk 10:42 - Ikan feg

⁴² Aghi amɔʼ ze angu ne àghò kòʼi ni bèrì. À ya àzewən ze ne Mèri fə də̀bi. Ane, chəyi tì mbi ywìrì niŋ ibo.”

Meta’

⁴² Əghɨ nɨ mbɨə kə̀bə̀ mei ze ə mɔʼ. Mèri fə chɨ̀ əba ə chɔ̀m ni chəi mbɨ bɨrɨ nɨŋ rɨ bɔ.”

Lk 10:42 ပူးပေါင်းရင်းမြစ်များ

Mk 8:36

Wə̀d kə mə̀ bèrì isəg gho̰ ijìm si sam ìwi ìtḛ̀, chùd ze ne tengàŋ biri jəg kə iza?

Lk 10:39

Mèri ne ya ifi ìwi Màta ya chughi imbìghè abə Anɔŋisəg se zùghə anug ne wì yaya ghà.

Lk 11:1

Aneg mɔ̀ʼɔ, Yeso yaya chàʼrà Ŋwiye asiŋi mɔ̀ʼɔ. Anyumə̀ ne wì ya chàʼra Ŋwiye mànì, àmə̀nənùg məd mɔ̀ʼɔ ya ghà ibo gha, “Anɔŋisəg, chwiti icheg ne mbe chàʼrà Ŋwiye ina icheg ne Jɔn ya bə chwìti abə ìmbi mə̀mə̀nənùg.”

Lk 12:20

Ŋwiye ya si ghà ibo gha, ‹Àghò ya anen. Mə biri niŋ ìwe ìtḛ̀ izimi tèchɔ̀ŋ. Wə̀d ne biri si niŋ ighi mbe ne àghò kàʼi nɔ̀ŋì, àkə we?›

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 16:2

Wə̀d ikab we ya kàrì wə̀d àfàʼì məd biri ibo gha, ‹Àkə anug ye ne mə zùghə anìŋ imbə̀ʼ awe? Niŋ ìmbe ìŋwàʼrì àfàʼì yeʼe chwi inum imbə̀ʼ icheg ne chəyi àghò biri ywiri fàʼ àfàʼì azo̰.›

Lk 16:25

Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 8:18

Ane, mbə̀ taŋ zì atog ni zug inug mbe ne mə ghà inən. Bəd ne beri ìmbɔb ighi, mbi biri yètì ighi inɔb. Wə̀d ne chəyi wì beri ighi, ka à ya bè àze kwa kwa ze ne wì kɔ̀ndi gha zìye bèrì, mbi biri niŋ ibo.”

Jn 11:1

Wə̀d mɔ̀ʼɔ ne yaya chùghə a Betanì, ne ikum məd ya Lazarɔ̀s, yaya ghɔ̰̀. Wì yaya chùghə angu tì njàbi məd tibe, Mèri tì Màta.

Jn 11:19

Mə̀Ju nɔʼ nɔʼ ya nɔ̀ʼ a Jèrusalèm ghò ni ghàm abə Màta tì Mèri bə̀ nə̀ri ìtɔb fìŋ icheg ne ìzɔb nɔbi ku.

Jn 12:3

Icheg ne mbi yaya jə̀ghə, Mèri ya niŋ chəŋ məwud àka inun ne mbi ya tangi məyi ane nad, zɔʼ ighog ìmbi Yeso inga, bə̀ fug ane ìti nyɔ̀ŋì atog. Ifɔ məwud mbe ya dù, nàmì nəb ijìm.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

1 Kɔrèn 13:3

Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.